اس دور میں جہاں ہر چیز کی قیمتوں میں اضافہ ہو گیا ہے وہیں بجلی کے بل بھی اتنے آرہے ہیں کہ ایک عام انسان کیلئے ان کو ادا کرنا مشکل ہو گیا ہے۔

تو آج ہم آپکو وہ 5 غلطیاں بتائیں گے جو آپ کا بل بڑھا دیتی ہیں۔

اے سی اور مائیکروویو:

اے سی اور مائیکروویو کا استعمال نہ ہو تو ان کو سوئچ سے بند کریں کیونکہ یہ چیزیں یومیہ 100 واٹ سے زیادہ بجلی استعمال کر کے آپ کو بڑا جھٹکا دے سکتی ہیں اس لئے بل کے جھٹکوں سے بچنے کیلئے بجلی بچانے کی کوشش کریں۔

ٹی وی:

کوشش کریں کہ جب ٹی وی آف کریں تو اس کو سوئچ سے بھی بند کریں کیونکہ یہ بھی آپکے بل میں اضافہ کرسکتا ہے۔

یہ بھی پڑھیں: کیا آپ بھی بجلی کا بل زیادہ آنے سے پریشان ہیں؟ استری کو اس طریقے سے جلائیں کہ بجلی کا بل بھی کم آئے

ڈیجیٹل ٹی وی باکس:

ہر گھر میں انٹرنیٹ تک آسان رسائی کی وجہ سے آج گھروں میں ڈیجٹیل ٹی وی باکس بھی عام ہے۔

انٹرنیٹ کے ذریعے اس باکس کی مدد سے لوگ دنیا بھر کے چینلز اور یوٹیوب کے مزے اڑاتے ہیں لیکن اگر آپ اس کو سوئچ سے آف نہیں کریں گے تو بند ہونے کے باوجود یہ بل میں اضافہ کرتا ہے۔

کمپیوٹر/ لیپ ٹاپ:

کمپیوٹر یا لیپ ٹاپ ٹھیک سے سوئچ سے بند نہ کرنے کی وجہ سے مسلسل اسٹینڈ بائے پر رکھنے سے آپ کا کمپیوٹر آپ کو بڑا نقصان پہنچا سکتا ہے۔

موبائل چارجرز:

اکثر لوگ فون چارج کرنے کے بعد چارجر کو یونہی آن چھوڑ دیتے ہیں جو خالی پڑا فون تو چارج نہیں کرتا ہاں البتہ آپ کے بل میں یونٹس ضرور بڑھا دیتا ہے۔