امریکا میں آنے والے بدترین ایان طوفان نے کئی ریاستوں میں شدید تباہی مچادی ہے۔

غیر ملکی میڈیا رپورٹ کے مطابق طوفان ایان 240 کلومیٹر فی گھنٹہ کی رفتار سے امریکی ریاست فلوریڈا کے ساحل سے ٹکرا چکا ہے، جس کے باعث شہریوں کو شدید مشکلات کا سامنا ہے۔

امریکا میں اس طوفان کی متعدد ویڈیوز وائرل ہو گئی ہیں جس میں ہونے والی تباہ کاریوں کو دیکھا جاسکتا ہے۔

طوفان ایان کے باعث فلوریڈا میں سیلاب اور بجلی کا بحران بھی ہوگیا ہے، اسٹوک آئی لینڈ کے پاس دو سے سات میٹر اونچی اور تیز لہروں نے مسافروں کی کشتی کو ڈبو دیا جس کے باعث 23 افراد لاپتہ ہوگئے۔

https://twitter.com/US_Stormwatch/status/1575194411104817152?ref_src=twsrc%5Etfw%7Ctwcamp%5Etweetembed%7Ctwterm%5E1575194411104817152%7Ctwgr%5E8011b2642b4c22b016131d549c2b47152fb567b8%7Ctwcon%5Es1_&ref_url=https%3A%2F%2Furdu.arynews.tv%2Fviral-video-shows-sharks-swimming-in-flooded-streets3009%2F

اس کے علاوہ ایک ویڈیو میں فلوریڈا کا ایک اسپتال مکمل طور پر پانی سے بھر چکا ہے جبکہ تیز ہواؤں کے باعث چوتھے فلور پر موجود آئی سی یو کی چھت بھی اڑ گئی۔

جہاں شہری طوفان ایان کے باعث پریشان ہیں وہیں شہریوں کی مشکلات میں اضافہ تب ہوا جب سڑکوں پر بارش اور سیلاب کے درمیان ساحلی شہر میں شارک بھی دیکھی گئی۔

ایک اور وائرل ویڈیو میں دیکھا جاسکتا ہے کہ شارک سیلابی پانی میں محفوظ راستہ لینے کی تگ ودو کررہی ہے۔

امریکی حکام کا کہنا ہے کہ صوبے کے جنوب مغربی ساحل پر کیٹیگری فور کے تباہ کن طوفان کی وجہ سے سڑکیں ندی کا نظارہ پیش کررہی ہیں جبکہ جارجیا و ساوتھ کیرولینا میں حالات بہت خراب ہیں اور فورٹ مائرس شہر سب سے زیادہ متاثر ہوا ہے۔

حکام کے مطابق کسی بھی ممکنہ خطرے کے پیش نظر یہاں مکمل بلیک آؤٹ کردیا گیا ہے، جس کے باعث ساڑھے آٹھ لاکھ گھر اندھیرے میں ڈوب گئے۔