آج ہم آپکو کیلے اور سیب کو کئی مہینوں تک محفوظ رکھنے کا طریقہ بتائیں گے۔

اکثر ہم دُکانوں پر دیکھتے ہیں کہ پھل کافی دنوں تک وہاں تر و تازہ رہتے ہیں لیکن جب ہم وہی پھل اپنے گھر لے کر آتے ہیں تو وہ جلد خراب ہونا شروع ہوجاتے ہیں۔

تو آج ہم آپکی یہ مشکل آسان کردیتے ہیں اور آپکو چند طریقے بتاتے ہیں جس کے ذریعے آپکو پھلوں کو کئی مہینوں تک محفوظ رکھنے میں مدد ملے گی۔

بات کرتے ہیں سیب اور کیلے کو طویل وقت تک محفوظ رکھنے کی۔

سیب کو فریزر میں رکھنے سے وہ کالے ہو جاتے ہیں تو اس کے لئے ان کو کاٹ کر صاف کر لیں اور ان کو چولہے پر رکھ کر تھوڑی دیر پکا لیں اور اس میں چینی شامل کر کے اس کا مربہ یا جام بنا لیں۔

اس طرح سے ایک جانب تو سیب کو ضائع ہونے سے بچایا جا سکتا ہے جبکہ دوسری طرف یہ کافی عرصے تک محفوظ بھی رہ سکتے ہیں۔

اسی طرح کیلے بھی محفوظ کرنا ایک مشکل کام ہوتا ہے تو کیلوں کو چھلکوں سمیت فریزر میں رکھ دیں اور جب وہ فریز ہو جائيں تو ان کو کسی ائیر ٹائٹ بیگ میں نکال کر رکھ دیں۔

اگرچہ کیلے کا چھلکا فریزر میں رکھنے سے کالا ہو جائے گا لیکن جب اس کیلے پر سے چھلکا اتاریں تو رہ ٹھیک حالت میں کھانے کے قابل ہوتا ہے۔

سیب کے رس کو نکال کر بھی اس کو کافی دنوں تک کانچ کے برتن میں محفوظ کیا جا سکتا ہے اور اس کو مختلف طریقوں سے استعمال بھی کیا جا سکتا ہے۔

جبکہ کیلے کو اچھی طرح میش کر کے کسی بھی ائير ٹائٹ تھیلی میں فریز کر دیں اور اس کو ملک شیک میں استعمال کیا جا سکتا ہے۔