گزشتہ چند روز سے طوفانی بارشوں نے امریکی ریاست فلوریڈا کے وسطی علاقوں میں تباہیاں مچی ہوئی ہیں۔

غیر ملکی میڈیا کے مطابق کیٹیگری فور کے سمندری طوفان کے باعث فلوریڈا کے مختلف علاقوں میں بارش سے زندگی مفلوج ہو گئی ہے۔

ایسے ہی ایک ویڈیو سوشل میڈیا پرتیزی سے وائرل ہو رہی ہے جس میں دیکھا جا سکتا ہے کہ ایک شارک اس طوفان میں سیلاب زدہ گلیوں میں تیراکی کرتی پہنچ گئی ہے۔

@Gutfeldfox somehow a shark ended up in a Fort Myers neighborhood during Hurricane Ian.. 😬 pic.twitter.com/l3WbzgNQHj

Advertisement

— Brad Habuda (@BradHabuda) September 28, 2022

ٹویٹر پروائرل ہونے والی اس ویڈیو کو ایک دن میں 13 ملین ویوز مل چکے ہیں جبکہ سوشل میڈیا صارفین کی جانب سے کمنٹس بھی کیے جا رہے ہیں۔

ٹویٹر صارفین نے اس بے بس مچھلی کو ’’اسٹریٹ شارک‘‘ کا نام دیا۔

جبکہ ایک صارف نے کہا کہ ویڈیو میں دیکھنے سے مچھلی کی لمبائی تقریباً 4 فٹ لگ رپی اور اس ہی وجہ سے مجھے یہ مچھلی شارک ہی لگ رہی ہے۔

خیال رہے کہ سمندری طوفان کے پیش نظر 10 لاکھ سے زائد صارفین بجلی سے محروم ہوگئے۔

امریکی ریاست میں سمندری طوفان کے باعث آندھی اور حادثات سے نمٹنے کے لیے ایمرجنسی نافذ کردی گئی ہے۔

جبکہ اسکول بند اور فلائٹس کو معطل کردیا گیا ہے۔

محکمہ موسمیات نے گزشتہ روز ہی 155 میل فی گھنٹہ کی رفتار سے ہوائیں چلنے اور سمندری طوفان سے خبردار کر دیا تھا۔

تاہم فلوریڈا کے گورنر رون ڈی سینٹیس کا کہنا ہے کہ ریاست میں  تاریخی  نقصان کا خدشہ ہے۔

فلوریڈا کے ڈھائی ملین سے زائد گھروں اور کاروباروں میں بجلی نہیں ریاست تاریکیوں میں ڈوب گیا۔

تاہم امریکی حکام کا کہنا ہے کہ جلد امریکی صدر جوبائیڈن وفاقی ایمرجنسی مینجمنٹ ایجنسی سے گفتگو بھی کریں گے۔

فیڈرل ایمرجنسی مینجمنٹ ایجنسی کے ایڈمنسٹریٹر ڈین کرسویل اور نیشنل ویدر سروس کے ڈائریکٹر کین گراہم نے بدھ کو کہا کہ سیلاب ان کے حفاظتی خدشات میں سے ایک ہے۔

نیشنل اوشینک اینڈ ایٹموسفیرک ایڈمنسٹریشن کے مطابق، 2016 سے 2018 تک طوفانوں کے دوران ہونے والی اموات میں سے 83 فیصد پانی سے متعلق تھیں۔