طالبعلم نے امتحانی پرچے میں کیا لکھا کہ اس کی شامت آگئی؟ مضحکہ خیز ویڈیو وائرل

ویب ڈیسک

26th Oct, 2022. 10:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

طالبعلم نے امتحانی پرچے میں کیا لکھا کہ اس کی شامت آگئی؟ مضحکہ خیز ویڈیو وائرل

اسکولوں میں امتحانات کے موقع پر اکثر نقل کرنے کے مضحکہ خیز قسم کے واقعات پیش آتے ہیں، جس میں نالائق طلباء نت نئے طریقے استعمال کرتے ہیں۔

لیکن بھارت میں ایک طالب علم نے امتحان کے پرچے میں سوالات کے جواب لکھنے کے بجائے گانا لکھ ڈالا جس پر استاد غصے سے لال پیلے ہوگئے۔

بھارتی میڈیا کے مطابق ایک طالب علم نے کیمسٹری کے پریکٹیکل امتحان کی کاپی میں دیگر مواد کے ساتھ ایک بھوجپوری گیت بھی لکھ دیا جس پر ٹیچر سیخ پا ہوگیا اور فون پر ہی اس کی کلاس لے لی۔

رپورٹ کے مطابق یہ واقعہ ریاست بہار کا ہے، اس شریر طالب علم نے ٹیچر کے ساتھ فون پر ہونے والی گفتگو کو ’اوپن اسپیکر‘پر ڈال کر ایک ویڈیو بنائی اور انٹرنیٹ پر پوسٹ کر دی جو تیزی سے وائرل ہو رہی ہے۔

کال میں ٹیچر اس طالب علم کو بار بار کہہ رہا ہوتا ہے کہ کاپی میں گیت لکھتے ہوئے تمہیں شرم نہیں آئی۔ ٹیچر اس سے اس کے والد کا فون نمبر بھی لیتا ہے تاکہ اس کی شکایت کرسکے۔

ویڈیو میں سنا جاسکتا ہے کہ ٹیچر طالب علم کی سخت سرزنش کرتے ہوئے کہتا ہے کہ اس کی پریکٹیکل کی امتحانی کاپی چیک نہیں کی جائے گی۔