اسرائیلی ماہرینِ آثارِ قدیمہ نے ایک دیوار میں چُھپے 1000 سال سے زائد عرصہ پُرانے 44 سونے کے سِکے دریافت کئے ہیں۔
اس حوالے سے اسرائیل اینٹیکوئیٹیز اتھارٹیز کے ڈائریکٹر ایلی ایسکیوسیڈو نے بتایا کہ سِکوں کا یہ ذخیرہ آثارِ قدیمہ کی ایک انتہائی اہم دریافت ہے کیونکہ اس کا تعلق بینیاس شہر اور اس پورے خطے کے عبوری دور سے ہے۔
ادارے کے مطابق ماہرین نے یہ سِکے پینیاس کے قدیم شہر سے دریافت کئے، یہ شہر ماضی میں ذرخیزی کے خدا پین کے حوالے سے مذہبی رسومات کے لئے خدمات انجام دیتا تھا، اسی نام سے بعد میں شہر کا یونانی نام رکھا گیا۔
ڈاکٹر گیبریلا بِجووسکی نے کہا کہ سکّوں میں سب سے پُرانا سکہ بازنطینی بادشاہ فوکس کے دور کا ہے جس نے 602 عیسوی سے 610 عیسوی تک حکومت کی جبکہ سب سے نئے سکے کا تعلق اسی صدی کے اگلے حصے میں جب مسلمانوں نے یہ خطہ فتح کیا اس وقت سے ہے۔
ان کا مزید کہنا تھا کہ یہ سِکے ممکنہ طور پر جنگ کے خوف سے بھاگنے والے شخص نے اِس اُمید پر دبائے ہوں گے کہ واپس آ کر یہاں سے اپنی ملکیت نکال لے گا۔
Advertisement
واضح رہے کہ یہ سِکے گولان پہاڑیوں میں بینیاس کے مقام پر بہنے والے چشمے پر ایک پتھر کی دیوار کی بنیاد میں کی جانے والی کھدائی کے دوران ملے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
