اکثر سوشل میڈیا پر ایسی ویڈیوز دیکھنے کو ملتی ہیں جس کو دیکھ کر انسان ہنسنے پر مجبور ہوجاتا ہے اور کچھ ویڈیوز ایسی ہوتی ہیں جو انسان کو خوفزدہ کردیتی ہیں۔

حال ہی میں ایک ویڈیو سوشل میڈیا پر وائرل ہوئی جس میں دکان کے مالک نے اپنے کتے کو آزمانے کیلئے اس کے ساتھ ڈرامہ کیا جس کا نتیجہ دیکھ کر اسے بہت افسوس ہوا۔

تھائی لینڈ میں ایک جیولری شاپ کے مالک کو اس وقت حیرانی کا سامنا کرنا پڑا جب اس کی دکان پر ڈاکو آئے اور قیمتی زیورات چھین کر آسانی سے فرار ہوگئے۔

اس پوری واردات کے دوران دکان کے دروازے پر موجود اس کا پالتو کتا مزے سے سوتا رہا جس پر اس کے مالک نے اسے دنیا کے سب سے بیکار محافظ کتے کا لقب دیا۔

یہ بھی پڑھیں: خونخوار کتا دکان میں گھُس گیا، پھر کیا ہوا؟ ویڈیو دیکھیں

دکان کا مالک دراصل یہ جاننا چاہتا تھا کہ اگر کبھی ایسا واقعہ رونما ہوجائے تو اس کے پالتو کتے کا کیا ردِ عمل ہوگا اور یہی جاننے کیلئے اس نے ڈکیتی کا ڈرامہ رچایا۔

سوشل میڈیا پر وائرل ہونے والی اس ویڈیو میں دیکھا جاسکتا ہے کہ جب جعلی ڈکیتی کی واردات ہوئی تو کتے نے اپنے مالک کی حفاظت کی ذرا بھی فکر نہیں کی اس نے یہ دیکھنے کے لیے بھی سر نہیں اٹھایا کہ دکان میں کیا ہو رہا ہے اور جعلی ڈاکو کو زیورات لے کر فرار ہونے دیا۔

یہ بھی پڑھیں: شکار کیلئے درخت پر چڑھنے والے شیر کو بندر نے تگنی کا ناچ نچا دیا، ویڈیو وائرل

سوشل میڈیا پر یہ ویڈیو تیزی سے وائرل ہوگئی جبکہ صارفین اس پر دلچسپ تبصرے کر رہے ہیں۔