آج ہم آپکو بتائیں گے کہ تصویر میں معمولی سا دکھائی دینے والا یہ گلدان کتنے روپے میں فروخت ہوا ہے اور دل تھام کر بیٹھیں کیوں کہ اس گلدان کی رقم جان کر آپ کے ہوش اُڑجائیں گے۔

بین الاقوامی میڈیا کے مطابق فرانس سے باہر رہنے والی ایک خاتون نے یہ گلدان نیلامی سینٹر کو دیا تھا۔

خاتون نے اسے خود بھی نہیں دیکھا تھا اور فرانس کے خود مختار علاقے برٹنی میں قیام پذیر اپنی والدہ کے انتقال کے بعد ان کے سامان کو نیلامی سینٹر بھجوا دیا تھا۔

خاتون کے مطابق ان کی والدہ نوادرات جمع کرنے کی شوقین تھیں، ان کے انتقال کے بعد انہوں نے آن لائن نیلامی سینٹر سے رابطہ کیا اور والدہ کے گھر سے تمام نوادرات اٹھوا کر ان کی جانچ پڑتال کر کے انہیں نیلام کرنے کی درخواست کی تھی۔

انہوں نے کہا کہ والدہ کے انتقال کے بعد ان نوادارت میں مذکورہ گلدان بھی شامل تھا، نیلے نقش و نگار کا حامل یہ گلدان چین سے خریدا گیا تھا۔

خاتون نے بتایا کہ نیلام گھر کی جانب سے اسے اٹھارویں صدی کا قیمتی تاریخی گلدان سمجھا گیا بعد ازاں نیلامی میں اس پر لگائی جانے والی بولی بڑھتی گئی اور بالآخر یہ 7.59 ملین ڈالر میں فروخت ہوگیا۔

واضح رہے کہ اس کی اصل قیمت 2 ہزار ڈالرز تھی اور یہ اپنی اصل قیمت سے 4 ہزار گنا زائد قیمت پر فروخت ہوا ہے۔