امتحانات میں کیمسٹری کے پرچے پر طالب علم نے گانا لکھ دیا

ویب ڈیسک

25th Oct, 2022. 02:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امتحانات میں کیمسٹری کے پرچے پر طالب علم نے گانا لکھ دیا

بھارت میں ایک طالب علم نے امتحانات میں کیمسٹری کے پرچے پر گانا لکھ دیا۔

بھارتی میڈٰیا رپورٹس کے مطابق یہ واقعہ ریاست بہار میں پیش آیا جہاں ایک طالب علم نے کیمسٹری کے پریکٹیکل امتحان کی کاپی میں دیگر مواد کے ساتھ ایک بھوجپوری گیت بھی لکھ دیا جس پر ٹیچر شدید غصے میں آ گئے اور فون پر ہی اس کی کلاس لے لی۔

اس شریر طالب علم نے ٹیچر کے ساتھ فون پر ہونے والی گفتگو کو ’اوپن اسپیکر‘ پر ڈال کر ایک ویڈیو بنائی اور انٹرنیٹ پر پوسٹ کر دی جو تیزی سے وائرل ہو رہی ہے۔

یہ بھی پڑھیں: نقل کا انوکھا طریقہ سوشل میڈیا پر وائرل

کال میں ٹیچر اس طالب علم کو بار بار کہہ رہا ہوتا ہے کہ کاپی میں گیت لکھتے ہوئے تمہیں شرم نہیں آئی۔ ٹیچر اس سے اس کے والد کا فون نمبر بھی لیتا ہے تاکہ اس کی شکایت لگا سکے۔ ٹیچر اسے کہتا ہے کہ اس کی پریکٹیکل کی کاپی چیک نہیں کی جائے گی۔

سوشل میڈیا صارفین اس واقعے پر دلچسپ تبصرے کر رہے ہیں۔

یہ بھی پڑھیں: امتحانات میں نقل کی روک تھام کے لیے انوکھا طریقہ ایجاد، تصاویر وائرل