آج ہم آپکو 2 ایسے جزائر کے بارے میں بتائیں گے جو آمنے سامنے ہونے کے باوجود اوقات کار میں 21 گھنٹے کا فرق رکھتے ہیں۔

یہ جزائر امریکا اور روس کی سرحد پر واقع ہیں،  آبنائے Bering کے وسط میں ایک طرف امریکی ریاست الاسکا جبکہ دوسری جانب روسی سرزمین موجود ہے۔

بگ ڈیومیڈ آئی لینڈ روسی جزیرہ ہے جبکہ لٹل ڈیومیڈ آئی لینڈ امریکی سرزمین پر موجود جزیرہ ہے اور دونوں کے درمیان محض 2 میل کا فاصلہ ہے۔

بگ ڈیومیڈ میں اگر جمعہ ہوگا تو دوسری جانب جمعرات کا دن ہوگا یا لٹل ڈیومیڈ میں رات کے 12 بجے ہوں تو بگ ڈیو میڈ میں دوسری رات کے 9 بجے ہوں گے۔

اس کی وجہ انٹرنیشنل ڈیٹ لائن (آئی ڈی ایل) یا بین الاقوامی خط تاریخ ہے۔

آئی ڈی ایل ایک فرضی خط یا لکیر ہے جو بحرالکاہل سے گزرتی ہے اور اس کے مطابق دنیا میں وقت کا تعین کیا جاتا ہے۔

تو یہ لکیر ان دونوں جزائر کے درمیان سے گزرتی ہے جس کے باعث بگ ڈیومیڈ کا وقت اپنے سامنے موجود جزیرے سے 21 گھنٹے آگے ہے۔

اسی وجہ سے ان جزائر کو Tomorrow آئی لینڈ اور Yesterday آئی لینڈ بھی کہا جاتا ہے۔

خیال رہے کہ امریکا نے 1867 میں الاسکا کو روس سے خریدا تھا اور اس وقت ہونے والے معاہدے کے تحت ان دونوں جزائر کو سرحد قرار دیا گیا تھا، روسی جزیرہ بے آباد ہے اور وہاں اکثر سرحدی حفاظت کے لیے فوجی ہی آتے ہیں جبکہ لٹل ڈیومیڈ میں 83 افراد مقیم ہیں۔