آپ جس مہینے میں پیدا ہوئے ہیں، وہ مہینہ آپ کی شخصیت کی عکاسی کرتا ہے، آپ کے رہن سہن ، آپ کی گفتگو اور آپ کے مزاج کے بارے میں بتاتا ہے۔

جس طرح آپ کا اسٹار شخصیت کی عکاسی کرتا ہے،اسی طرح آپ کا پیدائش کا مہینہ بھی شخصیت کے بارے میں بہت کچھ بیان کرتا ہے۔

آپ کا پیدائش کا مہینہ آپ کے بارے میں کیا کہتا ہے، آئیے جانتے ہیں

آپکا پیدائشی مہینہ اور آپکی شخصیت میں چھپا راز

جنوری

ایک تحقیق میں دریافت کیا گیا کہ جنوری کا مہینہ سخت مزاج رکھنے والے افراد کا مہینہ ہے۔

جنوری میں پیدا ہونے والے افراد کو چڑچڑے پن، موسموں کے بدلنے سے متاثر ہونے کا عارضہ، ڈپریشن وغیرہ کا خطرہ زیادہ ہوتا ہے۔

یہ مہینہ معروف اور انتہائی باصلاحیت افراد کا مہینہ بھی ہے۔

فروری

جنوری اور فروری میں پیدا ہونے والوں کے درمیان کافی کچھ ملتا جلتا ہے مگر فروری میں پیدا ہونے والے عام طور پر سیلیبرٹیز بننے کا امکان زیادہ ہوتا ہے۔

فروری میں پیدا ہونے والے افراد کے لیے سب سے بڑا موسم بدلنے سے خود کو اس کے مطابق تیار نہ کرپانا اور جسمانی طور پر کم متحرک ہونا ہوتا ہے۔

مارچ

مارچ میں پیدا ہونے والے افراد عام طور پر زیادہ پرامید سوچ رکھتے ہیں یا یوں کہہ لیں کہ مثبت سوچ ان کی سب سے بڑی شخصی خاصیت ہوتی ہے۔

حالات جتنے بھی خراب ہوں وہ اندھیرے میں روشنی کی کرن دیکھ لیتے ہیں، تاہم اس مہینے کے لوگوں میں خون کی شریانوں سے جڑے امراض کا خطرہ زیادہ ہوتا ہے۔

اپریل

اپریل میں سالگرہ منانے والوں کو بھی دل کے مسائل کا سامنا زیادہ ہوتا ہے، جس کی وجہ بھی کافی حیران کن ہے اور وہ یہ ہے اس مہینے میں جو بچے پیدا ہوتے ہیں، ان کی مائیں سردیوں میں سورج کی روشنی میں زیادہ گھوم نہیں پاتیں اور وٹامن ڈی کی کمی ان کے بچوں کو متاثر کرتی ہے۔

اس مہینے میں پیدا ہونے والے بھی بہت زیادہ پرامید ذہنیت رکھتے ہیں اور چڑچڑے پن کا زیادہ شکار نہیں ہوتے۔

مئی

اس مہینے کے افراد کو ڈپریشن کا خطرہ کسی اور مہینے کے افراد کے مقابلے میں سب سے زیادہ ہوتا ہے۔

جسمانی طور پر اس ماہ پیدا ہونے والے افراد بہت زیادہ صحت مند ہوسکتے ہیں۔ اسی طرح مئی میں پیدا ہونے والے کسی بھی پیشے میں ہوں، ان کے اندر اسے کرنے کی قدرتی اہلیت ہوتی ہے۔

جون

اس مہینے میں پیدا ہونے والوں کا مزاج پل پل بدلتا ہے، ان کے جذبات بہت تیزی سے اوپر سے نیچے آتے ہیں اور پھر اوپر چلے جاتے ہیں، اس کے علاوہ یہ زیادہ مزاحمت کرنے والے افراد ہوتے ہیں۔

جولائی

اس مہینے میں پیدا ہونے والے کافی جذباتی ہوتے ہیں اور ان میں بائی پولر ڈس آرڈر کا خطرہ کافی زیادہ ہوتا ہے۔

اسی طرح جولائی میں پیدا ہونے والے زندگی میں قائدانہ کردار ادا کرنے میں دلچسپی نہیں رکھتے بلکہ سر جھکا کر زندگی کی چھوٹی چھوٹی چیزوں سے بھی لطف اندوز ہوتے ہیں۔

اگست

ایک تحقیق کے مطابق اگست میں پیدا ہونے والے ہوسکتا ہے کہ تعلیمی میدان میں زیادہ اچھے نہ ہو، مگر عملی زندگی میں وہ اپنے شعبے میں مہارت حاصل کرتے ہیں، زندگی کے بارے میں ان کا اپنا فلسفہ ہوتا ہے، جس پر وہ عمل کرتے ہیں۔

ستمبر

ستمبر میں سالگرہ منانے والے تعلیمی میدان میں عام طور پر کافی کامیابیاں حاصل کرتے ہیں، وہ ذہنی طور پر انتہائی گہرائی میں جاکر سوچنے والے ہوتے ہیں اور زندگی کی چھوٹی تفصیلات کو بھی نوٹ کرتے ہیں۔

اکتوبر

اکتوبر میں پیدا ہونے والے افراد میں چڑچڑے پن کا امکان زیادہ ہوتا ہے جبکہ ان میں نظام تنفس کے امراض کا خطرہ بھی کافی زیادہ ہوتا ہے، اچھی بات یہ ہے کہ قائدانہ صلاحیتوں میں یہ عام طور پر سب سے اوپر ہوتے ہیں۔

نومبر

نومبر میں پیدا ہونے والے خوش باش مزاج رکھنے والے افراد ہوتے ہیں اور ان میں ڈپریشن کا خطرہ سب سے کم ہوتا ہے۔

تاہم مجموعی صحت کے لحاظ سے ان میں مختلف امراض کا خطرہ زیادہ ہوتا ہے۔

دسمبر

اس مہینے کے لوگ جذباتی طور پر مضبوط اور جسمانی طور پر صحت مند ہوتے ہیں، تاہم انہیں نظام تنفس کے امراض کا خطرہ زیادہ ہوتا ہے۔