سات لاکھ پاؤنڈ (تقریباً 20 کروڑ روپے) مالیت  کی پانچ لگژری اور نایاب کاریں، جن میں پورشے اور ایک ایریل ایٹم شامل ہیں، برطانیہ کے شہر ایسیکس میں واقع بلفن انڈسٹریل سٹیٹ سے چوری ہوگئیں۔

ڈکیتی کی یہ واردات سی سی ٹی وی کیمروں میں قید ہوگئی، جس سے ظاہر ہوتا ہے کہ ڈاکو 11 نومبر کو یونٹ میں گھس آئے اور آسانی سے کاریں چوری کرلیں۔

ایک منٹ  منٹ 15 سیکنڈز پر محیط اور ایسیکس پولیس کے ٹوئٹر اکاؤنٹ پر شیئر کی گئی ویڈیو میں چوروں کو 60 سیکنڈ سے بھی کم وقت میں مہنگی کاریں چوری کرتے ہوئے دکھایا گیا ہے۔

ایسیکس پولیس نے ایک کیپشن کے ساتھ ویڈیو شیئر کی جس میں لکھا ہے، ‘ہم فی الحال ایک ایسے واقعے کی تحقیقات کر رہے ہیں جہاں 11 نومبر کو بلفن میں برینٹ ووڈ روڈ پر ایک یونٹ سے متعدد لگژری کاریں چوری ہوئیں۔

کیا آپ نے کوئی مشکوک چیز دیکھی؟ اگر ایسا ہے تو، براہ کرم ہم سے رابطہ کریں۔ ‘

ویلز آن لائن کے مطابق چرائی گئی گاڑیوں میں ایک نایاب ایریل ایٹم ریسنگ کار، ایک مرسڈیز بینز A45 AMG 4matic، ایک Porsche Cayenne، ایک Porsche 911 Carrera، اور ایک مرسڈیز Maybach  شامل ہیں۔

رپورٹ میں مزید کہا گیا ہے کہ ‘پولیس ابھی بھی مجرموں کی تلاش میں ہے تاہم  مرسڈیز مے بیک کو برآمد کر لیاگیا ہے۔