سائنسدان 20 لاکھ سال پرانی دنیا دیکھنے میں کامیاب، مگر کیسے؟ جانیے

ویب ڈیسک

09th Dec, 2022. 06:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سائنسدان 20 لاکھ سال پرانی دنیا دیکھنے میں کامیاب، مگر کیسے؟ جانیے

سائنسدان 20 لاکھ سال پرانی دنیا دیکھنے میں کامیاب ہوگئے ہیں۔

سائنسدانوں نے شمالی گرین لینڈ کے منجمد صحرا سے 20 لاکھ سال پرانا جینیاتی مواد (ڈی این اے) دریافت کیا ہے جس سے انکشاف ہوا کہ یہ خطہ لاکھوں سال قبل ہاتھی، قطبی ہرن اور خرگوش سمیت دیگر جانوروں کا گھر تھا۔

تحقیق سے معلوم ہوا کہ یہ خطہ کسی زمانے میں جنگل سے ڈھکا ہوا تھا مگر آج یہاں سبزہ نظر ہی نہیں آتا۔

محققین کا کہنا ہے کہ انہوں نے شمالی گرین لینڈ کے ساحلی علاقے Kap Kobenhavn سے حاصل کیے گئے 41 نمونوں میں دنیا کے قدیم ترین جینیاتی مواد کو دریافت کیا۔

انہوں نے کہا کہ نمونے نامیاتی مرکبات سے بھرپور تھے، ڈی این اے نمونوں سے عندیہ ملتا ہے کہ یہاں متعدد جاندار، پودے اور جرثومے پائے جاتے تھے۔

محققین کے مطابق یہ پہلی بار ہے جب ہم 20 لاکھ سال پرانے ڈی این اے کو دیکھ رہے ہیں جس سے زمانہ قدیم میں گم ہوجانے والی دنیا کا علم ہوتا ہے۔

تحقیق کے دوران جینیاتی مواد سے اس خطے میں کم از کم 102 جانداروں کی موجودگی کے بارے میں علم ہوا۔