کمسن بچے کی حاضر دماغی نے ماں کی جان بچالی؛ ویڈیو وائرل

ویب ڈیسک

24th Dec, 2022. 12:13 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کمسن بچے کی حاضر دماغی نے ماں کی جان بچالی؛ ویڈیو وائرل

کمسن بچے کی عقلمندی سے ماں کو اونچائی سے گرنے سے بچانے کی ویڈیو نے سوشل میڈیا صارفین کے دل جیت لیے۔

غیر ملکی میڈیا کے مطابق ماں اور بیٹے کی دلچسپ ویڈیو کو بھارتی پولیس سروس کے افسر دیپانشو کابرا نے ٹوئٹر پر شیئر کی تھی، جس میں دیکھا جاسکتا ہے کہ خاتون بلند سیڑھی پر کھڑے ہوکر گیراج کا دروازہ ٹھیک کرنے کی کوشش کررہی ہے کہ اچانک سیڑھی گرجاتی ہے۔

بچہ خاتون کے پیچھے کھڑا ہوتا ہے جو ماں کو ہوا میں لکٹا دیکھ رہا تھا پھر اچانک دوڑا اور آہستہ آہستہ سیڑھی کو اٹھا کر دوبارہ ماں کے قریب کھڑا کیا، خاتون نے فوراً ہی سیڑھی میں اپنی ٹانگیں پھنسائی تاکہ گرنے سے بچ سکے۔

ویڈیو کو اب تک 56 ہزار سے زائد صارفین دیکھ چکے ہیں، 3 ہزار صارفین نے ویڈیو پر پسندیدگی کا اظہار کیا جب کہ متعدد افراد تبصروں میں بچے کی تعریف کررہے ہیں اور ہیرو قرار دے رہے ہیں۔