اسپائیڈر مین کے لباس میں ملبوس ایک شخص نے اسپتال میں انٹری لے لی۔

اسپائیڈر مین ہمیشہ سے بچوں اور نوعمر لڑکوں کے لیے بہترین سپر ہیرو رہا ہے، چھوٹے بچے خاص طور پر اسپائیڈر مین کو پسند کرتے ہیں اور اس کی طرح بننا اور اس سے ملنا چاہتے ہیں۔

ایسی ہی ایک ویڈیو سوشل میڈیا پر وائرل ہو رہی ہے جس میں دیکھا جا سکتا ہے کہ ایک اسپتال میں اسپائیڈرمین کا ایک ننھا فرینڈ موجود ہے جس سے ملنے اسپائیڈرمین خود ہی پہنچ گیا ہے۔

چھوٹے بچے نے جب اپنے پسندیدہ سپر ہیرو کو  دیکھا تو وہ حیران رہ گیا جب کہ بچے کی خوشی قابلِ دید تھی۔

سوشل میڈیا پر وائرل ہونے والی ویڈیو میں دیکھا جاسکتا ہے کہ ایک شخص جو اسپائیڈرمین کے لباس میں ملبوس ہے وہ بچے سے ملنے اسپتال آتا جسے دیکھ کر ننھا بچہ بہت خوش ہوتا یہ ہی نہیں بلکہ وہ اس کے ساتھ پورے اسپتال میں بھی گھومتا۔

ویڈیو  میں مزید دیکھا جا سکتا ہے کہ اسپتال کو اسپائیڈرمین کی تصاویروں سے سجایا ہوا ہے۔

 ایک صارف نے ویڈیو پر کمنٹ کرتے ہوئے  لکھا کہ بچوں کا ماننا ہے کہ ہیرو سب کو بچاتا ہے اور اچھائی برائی کو شکست دیتی ہے، یہ ویڈیو معصوم اور پیاری تھی۔

ایک اور نے لکھا کہ سپر ہیروز پر یقین کرنا نہ چھوڑیں وہ ہمارے ارد گرد ہیں۔

واضح رہے کہ ایک اور صارف نے لکھا کہ اسپائیڈرمین نے تو اس بچے کا دن بنادیا بہت خوبصورت ویڈیو ہے۔