گیس کے چولہے پر کھانا پکانے کے حوالے سے نئی تحقیق نے سب کے ہوش اُڑا دیئے ہیں۔

ایک حالیہ تحقیق کے مطابق گیس کے چولہے پر کھانا پکانا صحت کے لیے آلودہ شہر میں رہنے سے زیادہ نقصان دہ ہے۔

ماہرین کا کہنا ہے کہ گیس کے چولہوں سے نائٹروجن ڈائی آکسائیڈ اور نہایت نقصان دہ مائیکرو ذرات بنتے ہیں، یہ زہریلے مادے بالخصوص پھیپھڑوں کو بہت نقصان پہنچاتے ہیں۔

ان کا کہنا تھا کہ یہ خطرناک زہریلے مادے ان گیسوں کا حصہ ہوتے ہیں جو گاڑیوں سے خارج ہوتی ہیں، یہ مادے پھیپھڑوں میں جا کر جلن پیدا کرتے ہیں اور یہاں تک کہ خون میں بھی داخل ہو جاتے ہیں جس سے دل کی بیماری، کینسر اور حتیٰ کہ الزائمر کی بیماری ہونے کا خطرہ بڑھ جاتا ہے۔

یہ بھی پڑھیں: بغیر بجلی اور گیس کے چلنے والی سستی استری؛ قیمت جانیں

انہوں نے بتایا کہ ان زہریلے مادوں سے بچوں میں دمہ کی بیماری مزید بگاڑ پیدا کر دیتے ہیں۔

ایک رپورٹ کے مطابق بچوں اور زیادہ عمر کے لوگوں کو ان چولہوں سے زیادہ خطرہ ہوتا ہے، گیس کے چولہے گھر کی فضا مصروف شاہراہوں سے زیادہ آلودہ کر دیتے ہیں۔

جب ریسرچ میں شامل بچوں کو بیگ میں لگے آلودگی کے مانیٹر کے ساتھ اسکول بھیجا گیا تو یہ انکشاف ہوا کہ باہر سے زیادہ گھر میں شام کے وقت بچوں کو آلودگی کا سامنا تھا جس وقت ان کے والدین کھانا پکا رہے تھے۔

امپیرئل کالج لندن کی پروفیسر فرینک کیلی کے مطابق گیس چولہے گھر کی فضا آلودہ کرنے کا بڑا سبب ہیں، یہ دمے اور صحت کے دیگر مسائل کا سبب ہو سکتے ہیں اور ان کو بد تر کر سکتے ہیں۔

یہ بھی پڑھیں: چولہے میں گیس کا پریشر کم آتا ہے؟ تو یہ ٹپ آزمائیں

محققین کے مطابق اگر ہم نے چولہے سے چھٹکارا حاصل کر لیا تو ہم بچوں میں دمہ کے 12.7 فی صد کیسز کو روک سکیں گے۔

ماہرین کا یہ بھی کہنا ہے کہ گیس کے چولہے کے خطرات کے پیشِ نظر اگر ممکن ہو تو الیکٹرک ککر پر کھانا پکانا شروع کرنا چاہیے۔