ایئر پورٹ پر مسافر کے بیگ سے 4 فٹ لمبا سانپ برآمد

ویب ڈیسک

08th Jan, 2023. 07:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایئر پورٹ پر مسافر کے بیگ سے 4 فٹ لمبا سانپ برآمد

امریکی ایئرپورٹ پر ایک عجیب وغریب واقعے میں مسافر کے بیگ میں چھپے 4 فٹ لمبے سانپ کو کیمرے کی مدد سے پکڑ لیا گیا۔

عالمی خبر رساں ادارے کے مطابق امریکا کے ٹمپا انٹرنیشنل ایئرپورٹ پر ایک خاتون مسافر نے کیری آن بیگ میں 4 فٹ لمبے سانپ کو لے کر طیارے میں داخل ہونے کی کوشش کی۔

بیگ کو جب اسکریننگ سے گزارا گیا تو بیگ میں ایک مشکوک چیز کی موجوگی کا احساس ہوا جسے بڑی احتیاط سے لیپ ٹاپ وغیرہ کے ساتھ پیک کر کے رکھا گیا تھا۔

عملے نے خاتون مسافر سے کیری آن بیگ کھولنے کا کہا، تلاشی کے دوران اس میں سے ایک سانپ نکل آیا۔ چار فٹ لمبے سانپ کو دیکھ کر مسافروں میں کھلبلی مچ گئی۔

عملے نے سانپ کو اپنی تحویل میں لے لیا، خاتون مسافر نے بتایا کہ یہ سانپ ان کا پالتو جانور اور بے ضرر ہے۔ وہ ہر جگہ اسے اپنے ساتھ رکھتی ہے، یہ سانپ انھیں جذباتی سہارا دیتا ہے۔

ایئرلائن کمپنی نے مؤقف اپنایا کہ طیارے میں جن پالتو جانوروں کو لانے کی اجازت ہے اس میں سانپ شامل نہیں، امریکا کے چند ہی ایئرپورٹ پر سانپ کو لے جانے کی اجازت ہے لیکن وہ بھی صرف چیک ان بیگ میں لے جا سکتے ہیں۔

خیال رہے کہ خاتون کے بیگ سے ملنے والا سانپ لاطینی امریکا میں پایا جاتا ہے اور یہ زہریلا تو نہیں ہوتا تاہم یہ اپنے شکار کو جکڑ کر مارنے کی صلاحیت رکھتا ہے۔