آج ہم آپکو بتائیں گے کہ اکثر چلتے یا بھاگتے ہوئے جوتوں کے تسمے کھل کیوں جاتے ہیں۔

ایک تحقیق کے مطابق تسموں کی گرہیں اچانک کھلنے کے پیچھے چھُپی وجہ ہمارے پیروں کی قوت ہے۔

تحقیق میں دریافت کیا گیا کہ چلنے اور بھاگنے کے دوران غیر متوقع پر طور بہت زیادہ قوت پیدا ہوتی ہے جو کہ کسی رولر کوسٹر سے بھی زیادہ ہوتی ہے۔

یہ قوت تسمے کی گرہ پر اثرانداز ہو کر اسے ڈھیلا کردیتی ہے یعنی پہلے گرہ ڈھیلی ہونے لگتی ہے اور جب ایسا ہوجاتا ہے تو تسمے کھلنا شروع ہوجاتے ہیں۔

یہ بھی پڑھیں: بعض ٹی شرٹ میں وی کی شکل کیوں بنی ہوتی ہے؟ دلچسپ وجہ جانیے

ماہرین کا کہنا ہے کہ برسوں سے یہ چیز ہمیں حیران کر رہی تھی کہ آخر ہر طرح کی گرہ استعمال کرنے کے باوجود جوتوں کے تسمے کھل کیوں جاتے ہیں۔

انہوں نے کہا کہ اس کا جواب نہیں ملا تو ہم نے سلوموشن کیمرے کا سہارا لیا۔

اس مقصد کے لیے ٹریڈ مل پر دوڑنے یا جاگنگ کرتے ہوئے ایک محقق کے  پیروں کی عکسبندی کی گئی تھی اور یہ بات سامنے آئی کہ دوڑنے کے دوران پیر زمین کی کشش ثقل کی قوت سے 7 گنا زیادہ قوت سے ٹکراتا ہے۔

یہ بھی پڑھیں: کریڈٹ کارڈ کا کچن میں بھی استعمال ہوسکتا ہے؛ مگر کیسے؟

محققین کا کہنا ہے کہ ہمارے جوتوں کے تسمے ہر قدم کے ساتھ پھیلنے لگتے ہیں،بار بار ایسا ہونے سے وہ ڈھیلے ہونے لگتے ہیں اور پھر کھل جاتے ہیں۔

انہوں نے مزید کہا کہ ہر طرح کی گرہ بھی اس عمل کو روکنے میں کامیاب نہیں ہوتی البتہ کچھ گرہوں کو کھلنے میں ذرا زیادہ وقت لگ سکتا ہے۔

یہ بھی پڑھیں: جہاز کی کھڑکی میں سوراخ کیوں ہوتا ہے؟ اہم راز جانیے