دل کی شکل کا جزیرہ فروخت کے لئے پیش کردیا گیا ہے۔

غیر ملکی میڈیا رپورٹس کے مطابق  ویلنٹائن ڈے کے موقع پر دل کی شکل کے ایک جزیرے کا کچھ حصہ فروخت کے لیے پیش کیا گیا ہے۔

یہ جزیرہ یورپی ملک کرویشیا میں ہے جس کا کچھ حصہ فروخت کے لیے پیش کیا گیا ہے۔

رپورٹ میں بتایا گیا ہے کہ دل کی شکل والے اس جزیرے کا نام Galesnjak ہے اس جزیرے کا کل رقبہ ایک لاکھ 42 ہزار مربع میٹر ہے جس میں سے تقریباً 40 ہزار مربع میٹر کا حصہ فروخت کے لیے پیش کیا گیا ہے۔

اس کی قیمت ساڑھے 18 ملین ڈالرز (یعنی تقریباً 5 ارب پاکستانی روپے) رکھی گئی ہے جبکہ اس جزیرے پر سیاحوں کی جانب سے ہر سال 10 لاکھ سے زیادہ تصاویر لی جاتی ہیں۔

یہ بھی پڑھیں: ہماری دنیا جیسا دوسرا سیارہ دریافت، ممکنہ طور پر خلائی مخلوق کا گھر

اس جزیرے میں نہ کوئی ہوٹل ہے اور نہ ہی کوئی ریستوران پھر بھی دنیا بھر کی بڑی سے  بڑی شخصیات میں یہ جزیرہ بہت مقبول ہے۔

رپورٹ میں بتایا گیا کہ معروف امریکی گلوکارہ بے ونس نے اپنی اُنتالیس ویں سالگرہ اسی جزیرے پر منائی، اس کے علاوہ گزشتہ سال امریکی باسکٹ بال اسٹار مائیکل جارڈن اور ایمازون کے مالک جیف بیزوز نے بھی یہاں کی سیر کی۔

واضح رہے کہ 2019 میں سائنسدانوں نے یہاں سات ہزار سال پرانے انسانی باقیات دریافت کیے تھے۔

مزید پڑھیں: ایک ایسا سیارہ جو مکمل پانی سے بنا ہوا ہے