آج کل جسے دیکھو اس کے ہاتھ میں موبائل فون ہے اور وہ اس کی دنیا میں گُم ہے، ایسا لگتا ہے کہ موبائل فون ہمارے جسم کا ایک حصہ ہے اور ہماری عادتوں میں شامل ہے، بہت سے لوگوں کیلئے یہ کسی علت سے کم نہیں۔

سوتے، جاگتے، کھاتے، پیتے، اٹھتے، بیٹھتے، یہاں تک کہ واش روم میں بھی موبائل فون کا استعمال اس قدر عام ہے کہ ایسا لگتا ہے جیسے آپ موبائل فون استعمال نہیں کر رہے بلکہ موبائل فون آپ کو استعمال کر رہا ہے۔

اکثر افراد چاہتے ہیں کہ اُن کا موبائل ہر وقت چارج رہے تو ایسے میں وہ موبائل کو رات میں چارجنگ پہ لگا دیتے ہیں لیکن یہ کس قدر نقصان دہ ہے شاید اس کا آپکو اندازہ ہی نہیں تو آئیے ہم آپکو بتاتے ہیں۔

ٹیکنالوجی کے ایک ماہر کے مطابق اگر آپ اپنے فون کی بیٹری لائف کو درست رکھنا چاہتے ہیں تو رات بھر چارجنگ کی عادت سے گریز کریں۔

یہ بھی پڑھیں: آپ کی 7 بڑی غلطیاں جو اسمارٹ فونز کو برباد کر سکتی ہیں

فون کو مکمل چارج ہونے کے بعد بھی پوری رات کے لیے چارجر پر لگا رہنے دینا درحقیقت طویل المیعاد بنیادوں پر بیٹری کے لیے تباہ کن ثابت ہوتا ہے۔

جب ہمارا اسمارٹ فون سو فیصد چارج ہوجاتا ہے اور پھر بھی چارجر پر لگا رہے تو بیٹری پر اسٹریس بڑھ جاتا ہے یا یوں کہہ لیں کہ وہ بہت زیادہ دباؤ کی زد میں آجاتی ہے جس کے نتیجے میں اس کی زندگی متاثر ہوتی ہے۔

تو جب بیٹری مکمل طور پر چارج ہوجائے تو اسے چارجر سے ہٹالیں۔

یہ بھی پڑھیں: سست اسمارٹ فون کو تیز کرنے کا آسان ترین طریقہ