مصر میں کئی برسوں تک خود کو ڈاکٹر ظاہر کر کے پھیپھڑوں اور گھٹنوں کی بیماری کا علاج کرنے والا پکوان سینٹر کا ملازم نکلا جس کو پولیس نے گرفتار کرلیا ہے۔
غیر ملکی میڈیا رپورٹس کے مطابق مصری حکام نے قاہرہ کی مشرقی کمشنری السویس میں پھیپھڑے، الوپیشیا اور گھٹنوں کی بیماریوں کا علاج کرنے والے ہیلتھ سینٹر کے جعلی ڈاکٹر کو گرفتار کیا ہے۔
ہیلتھ سینٹر چلانے والا یہ جعلی ڈاکٹر السویس میں کھچڑی پکوان کے ریستوران کا عام کارکن تھا۔
ملزم نے فیس بک پر ہیلتھ سینٹر کا پیج بھی بنایا ہوا تھا جس میں وہ ڈاکٹر بنا بیٹھا ہے اور اس کے سامنے ایک ہڈیوں کا ڈھانچہ رکھا ہے اور اس نے گلے میں اسٹیتھسکوپ بھی ڈالا ہوا ہے۔
Advertisement
اس نے لوگوں کو یہ جھوٹ گڑھا کہ وہ پھیپھڑوں اور گھٹنوں کے علاج کا ماہر ہے۔
السویس شہر میں ڈاکٹروں کی یونین نے وضاحتی بیان میں کہا کہ نام نہاد ہیلتھ سینٹر کے مالک بہروپیے نے کوئی ڈگری حاصل نہیں کی، اس کے پاس اس قسم کا سینٹر چلانے کے لیے کوئی پرمٹ بھی نہیں ہے۔
مصری حکام کا کہنا ہے کہ السویس کے محکمہ صحت سے رابطہ کر کے مذکورہ ہیلتھ سینٹر اور اس کے مالک کے خلاف قانونی کارروائی کی جا رہی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
