وہ منفرد قصبہ جس کی تمام آبادی صرف ایک عمارت میں مقیم ہے

ویب ڈیسک

25th Feb, 2023. 04:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وہ منفرد قصبہ جس کی تمام آبادی صرف ایک عمارت میں مقیم ہے

آج ہم آپکو ایک ایسے منفرد قصبے کے بارے میں بتائیں گے جس کی تمام آبادی صرف ایک عمارت میں مقیم ہے۔

ایک ایسا علاقہ جو گاؤں سے بڑا اور شہر سے چھوٹا ہو وہ قصبہ کہلاتا ہے۔

دنیا بھر میں ہزاروں قصبے ہیں مگر کوئی بھی امریکی ریاست الاسکا کے Whittier جیسا نہیں۔

اس کی انفرادیت یہ ہے کہ یہاں کے تمام رہائشی ایک ہی چھت کے نیچے مقیم ہیں، 300 افراد کی آبادی پر مشتمل اس قصبے کے 85 فیصد رہائشی ایک 14 منزلہ عمارت میں مقیم ہیں۔

اسی عمارت میں پوسٹ آفس، پولیس اسٹیشن اور کریانے کی دکانیں موجود ہیں۔

اس قصبے تک رسائی بھی کافی مشکل ہے اور عموماً کشتی یا ایک سرنگ کے ذریعے وہاں پہنچنا ممکن ہوتا ہے۔

اس رہائشی عمارت کی تعمیر 1974 میں ہوئی تھی اور یہ بنیادی طور پر سرد جنگ کے عہد کی ایک فوجی بیرک ہے۔

اس قصبے کے 97 فیصد رقبے کی ملکیت الاسکا ریل روڈ کے پاس ہے اور اسی وجہ سے وہاں کوئی بھی گھر تعمیر نہیں ہو سکا۔

وہاں کے رہائشیوں کا کہنا ہے کہ اس عمارت کی تعمیر اس لیے ہوئی تاکہ رہائشیوں کو باہر نکلنے کی ضرورت ہی نہ ہو اور ہر چیز انہیں ایک چھت کے نیچے مل جائے۔

یہاں تک کہ ایک چرچ بھی عمارت کے تہہ خانے میں موجود ہے۔