اکثر سوشل میڈیا پر مختلف قسم کی ویڈیوز وائرل ہوتی رہتی ہیں لیکن اس خبر میں ہم آپکو جس ویڈیو کے بارے میں بتانے جارہے ہیں اس سے شاید آپکا دل دہل جائے گا۔

ایک ویڈیو ان دنوں سوشل میڈیا پر بہت وائرل ہو رہی ہے جس میں ایک نوجوان کو مرکزی شاہراہ پر کار کو لہرانا مہنگا پڑگیا، کار دو سڑکوں کے درمیان بنے ڈیوائیڈر سے ٹکرا کر تباہ ہوگئی۔

Drive safe guys: Live road accident video on Punjab’s Nawanshahr-Phagwara National Highway, Swift car crashed into divider while doing stunt on the road. pic.twitter.com/MYs7hjijol

— Tarun  🇮🇳 (@dreamthatworks) February 16, 2023

سوشل میڈیا پر وائرل ہونے والی اس ویڈیو میں دیکھا جا سکتا ہے کہ ایک درمیانے سائز کی کار جس کا ڈرائیور بیچ شاہراہ پر کار کو لہرا لہرا کر چلا رہا تھا کہ اچانک کار بے قابو ہو کر ڈیوائیڈر سے جا ٹکرائی۔

حادثے کی شدت کا اندازہ اس بات سے بھی لگایا جاسکتا ہے کہ ٹکر اتنی زوردار تھی کہ کار الٹ کر دور جا گری، گاڑی کے ٹکڑے اڑتے ہوئے دیکھے جا سکتے ہیں، حادثے کی وجہ گاڑی کا ٹائر بھی پھٹ گیا۔

تاہم اتنے خوفناک حادثے کے بعد ڈرائیور محفوظ رہا۔

یہ ویڈیو سوشل میڈیا پر اپ لوڈ ہوتے ہی تیزی سے وائرل ہوئی، اس ویڈیو کو اب تک لاکھوں افراد نے دیکھا اور شیئر کیا ہے۔