زلزلہ ایک قدرتی آفت ہے جو کبھی بھی آسکتا ہے۔

ترکی اور شام میں زلزلہ آنے کے بعد اب یہ خبر سامنے آئی ہے کہ اگلے 15 دنوں میں پاکستان اور بھارت میں بھی زلزلہ آسکتا ہے۔

ہالینڈ کے محقق فرینک ہوگربیٹس کی جانب سے زلزلہ آنے کی پیشگوئی کی تھی وہ سچ ثابت ہوئی اور اب اطلاعات ہیں کہ جلد ہی پاکستان، بھارت اور دیگر ممالک میں زلزلہ آنے کا امکان ہے۔

پاکستان اور بھارت میں زلزلے کی پیشگوئی کے بعد لوگوں میں تشویش کی لہر دوڑ گئی ہے۔

یہ بھی پڑھیں: ترکیہ اور شام میں زلزلہ: 7 ہزار سے زائد ہلاکتیں، تعداد 20 ہزار تک پہنچنے کا خدشہ

پاکستان میں موسم کی صورتحال بتانے والی ویب سائٹ کی جانب سے کہا گیا ہے کہ ترکی اور مشرق وسطی کے ماہرین فلکیات، ماہرین ارضیات کا خیال ہے کہ پاکستان اور بھارت کو بھی اگلے 15 دنوں میں زلزلے کا خطرہ ہے۔

خیال رہے امریکی جیولوجیکل سروے کے مطابق ترکی میں زلزلہ مقامی وقت کے مطابق پیر کی صبح 4 بجکر 17 منٹ پر آیا جب لوگ گہری نیند میں تھے۔

زلزلے کیوں آتے ہیں؟

زلزلے آخر کیوں آتے؟ آئیے آپ کو بتائے کہ وہ کونسی وجوہات ہیں جو زلزلے آنے کا سبب بنتی ہیں۔

ماہرین کے مطابق زمین کی تہہ تین بڑی پلیٹوں سے بنی ہے ، پہلی تہہ کا نام یوریشین، دوسری بھارتی اور تیسری اریبین ہے۔

 زیر زمین حرارت جمع ہوتی ہے تو یہ پلیٹس سرکتی ہیں اور زمین ہلتی ہے اور یہی کیفیت زلزلہ کہلاتی ہے۔

 زلزلے کی لہریں دائرے کی شکل میں چاروں جانب یلغار کرتی ہیں۔

خیال رہے زلزلوں کا آنا یا آتش فشاں کا پھٹنا، ان علاقوں ميں زیادہ ہے جو ان پلیٹوں کے سنگم پر واقع ہیں۔

اس حوالے سے ماہرین کا کہنا ہے کہ جن علاقوں میں ایک مرتبہ بڑا زلزلہ آ جائے تو وہاں دوبارہ بھی بڑا زلزلہ آ سکتا ہے۔

دوسری جانب پاکستان کا دو تہائی علاقہ فالٹ لائنز پر ہے جس کے باعث ان علاقوں میں کسی بھی وقت زلزلہ آسکتا ہے۔

کراچی سے اسلام آباد، کوئٹہ سے پشاور، مکران سے ایبٹ آباد اور گلگت سے چترال تک تمام شہر زلزلوں کی زد میں ہیں، جن میں کشمیر اور گلگت بلتستان کے علاقے حساس ترین شمار ہوتے ہیں۔

ماہرین کا کہنا ہے کہ پاکستان میں صرف بالائی سندھ اور وسطی پنجاب کے علاقے فالٹ لائن پر نہیں، اسی لئے یہ علاقے زلزے کے خطرے سے محفوظ تصور کئے جا سکتے ہیں۔

کراچی سمیت سندھ کے بعض ساحلی علاقے خطرناک فالٹ لائن زون کی پٹی پر ہیں۔ یہ ساحلی علاقہ 3 پلیٹس کے جنکشن پر واقع ہے جس سے زلزلے اور سونامی کا خطرہ موجود ہے۔

زلزلے کے اعتبار سے پاکستان دنیا کا پانچواں حساس ترین ملک ہے۔