دنیا میں پینگوئن کی آنکھ میں موتیے کا اپنی نوعیت کا پہلا آپریشن
سنگاپور میں پینگوئن کی آنکھ میں موتیے کا اپنی نوعیت کا پہلا آپریشن ہوا ہے۔
غیر ملکی میڈیا رپورٹس کے مطابق سنگاپور کے جانوروں کے ایک اسپتال میں 5 ڈاکٹروں پر مشتمل ایک ٹیم نے 3 کنگ پینگوئن اور 3 ہمبولڈٹ پینگوئن کی آنکھوں میں سفید موتیے کا کامیاب آپریشن کر کے ویٹرنری میڈیسن کی دنیا میں نئی تاریخ رقم کردی ہے۔
منڈائی وائلڈ لائف گروپ کے ڈاکٹر ایلن راسیدی کے مطابق ہمارے مشاہدے میں آیا کہ پینگوئنز کو اپنے سامنے موجود چیزیں دیکھنے میں دقت کا سامنا ہے جس کے باعث وہ پانی اور اپنے گروپ سے بھی کٹ کر رہنے لگے تھے۔
ان کا کہنا تھا کہ عام طور پر عمر بڑھنے پر کچھ قسم کے جانوروں کے ساتھ اس طرح کے مسائل پیش آتے ہیں لیکن ہم ان کی آنکھوں میں لینس لگا دیتے ہیں جو کہ پینگوئنز کو بھی لگائے گئے تھے۔
انہوں نے بتایا کہ ان کی آنکھوں میں قطرے بھی ڈالے جاتے تھے لیکن صورتحال میں کوئی فرق نہیں آیا جس کے بعد ان کی آنکھوں میں سفید موتیے کے آپریشن کا فیصلہ کیا گیا۔
آپریشن کرنے والی کی ٹیم کے سربراہ ڈاکٹر گلیڈی بو کے مطابق جاندار ہونے کے باعث پینگوئن کی آنکھیں بڑی ہوتی ہیں جن میں لینس لگائے جاسکتے ہیں اسی لیے ہم نے دنیا کا اپنی نوعیت کا پہلا آپریشن کرنے کا فیصلہ کیا۔
ان کا کہنا تھا کہ پینگوئن کی آنکھوں کو پانی سے محفوظ رکھنے والی تیسری پلک کی وجہ سے آپریشن تھوڑا پیچیدہ تھا کیونکہ عام طور پر پینگوئن اپنی تیسری پلک نہیں جھپکتا لیکن آپریشن کے دوران اسے بند کرنے کا خطرہ موجود تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News