آج ہم آپکو پرفیوم کی خوشبو زیادہ وقت تک برقرار رکھنے کے چند طریقے بتائیں گے۔

پرفیوم نہانے کے بعد لگائیں

نہانے کے بعد لگائے جانے والے پرفیوم کی خوشبو طویل وقت تک قائم رہتی ہے۔ اس کی وجہ یہ ہے کہ صاف جلد ملنے پر پرفیوم بہترین انداز میں کام کرسکتا ہے لیکن اس بات کو یقینی بنائیں کہ پرفیوم لگانے سے قبل آپ کا جسم مکمل طور پر خشک ہو۔

پرفیوم کن حصوں پر لگانا چاہیے؟

پرفیوم کے چھڑکاؤ کے لیے جسم کے درست حصوں کا انتخاب سب سے اہم ہے۔ خوشبو کو طویل مدت تک قائم رکھنے کے لیے اس کا چھڑکاؤ کلائی، کہنی، گردن، سینے، گھٹنوں کے پیچھے اور ٹخنوں پر کریں۔

جیلی اور موئسچرائزر کا استعمال

جسم کے حصوں پر اگر پرفیوم کے چھڑکاؤ سے قبل جیلی یا موئسچرائزر لگا لیا جائے تو بھی آپ کے پرفیوم کی خوشبو طویل وقت تک قائم رہے گی۔

کلائی پر پرفیوم لگا کر رگڑنا

اکثر افراد پرفیوم کا چھڑکاؤ کلائی پر کرتے ہیں اور اس کے بعد اسے رگڑنے لگتے ہیں لیکن وہ یہ نہیں جانتے ہیں ان کے اس عمل سے پرفیوم کی خوشبو بہت کم وقت میں ہی غائب ہوجاتی ہے۔

آپ کو چاہیے کہ کلائی پر پرفیوم لگانے کے بعد انہیں ایسے ہی چھوڑ دیں خوشبو خود ہی پھیل جائے گی۔

کپڑوں پر پرفیوم کا چھڑکاؤ

چند ٹشو پیپرز پر تھوڑا پرفیوم چھڑک کر ایسے الماری میں ایسے کپڑوں کے درمیان رکھ دیں جنہیں آپ عام استعمال کرتے ہیں۔

ٹشو پیپر ان تمام کپڑوں میں ہلکے درجے کی خوشبوں منتقل کردے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں