اپنے بچوں کی تصاویر سوشل میڈیا پر پوسٹ کرنے والے والدین کے لئے انتہائی بُری خبر آ گئی ہے۔

بیشتر والدین بچوں کی پیدائش کے فوراً بعد انسٹاگرام پر ان کی پروفائل بنادیتے ہیں اور  پھر ان کی تصاویر اور ویڈیوز پوسٹ کرتے ہیں جس میں ہمارے پاکستانی اداکار سرِ فہرست ہیں۔

لیکن کیا آپ جانتے ہیں کہ یہ عمل کس قدر خطرناک ہے؟

والدین جو دوسرے آن لائن دوستوں سے تعلقات برقرار رکھنے یا بڑھانے کے لیے اپنے بچوں کی تصاویر اور ویڈیوز سوشل میڈیا پر شیئر کرتے ہیں اسے ‘شیرنٹنگ’ کہا جاتا ہے۔

آن لائن شیئر کی جانے والی تصاویر جو آپ کے لیے یادگار لمحات ہیں، وہ دوسروں کے لیے ڈیٹا ہو سکتا ہے۔

دورِ جدید میں ٹیکنالوجی کی مدد سے کیا کچھ ہوسکتا ہے، بس اس کے لیے کچھ تصاویر درکار ہوتی ہیں جو بدقسمتی سے والدین خود آن لائن شیئر کرتے ہیں۔

یہ تصاویر کوئی بھی کسی بھی وقت استعمال کرسکتا ہے جس سے بچوں کا مستقبل بری طرح خراب ہوسکتا ہے۔

ان تصویروں کی مدد سے بچے کی پہچان چوری ہوسکتی ہے، کوئی بھی شخص اپنے ناکردہ گناہ کے سبب جیل جاسکتا ہے، یہاں تک کہ آواز بھی غلط کاموں کے لیے استعمال ہوسکتی ہے، یہاں تک کے والدین اپنے ہی بچے کی کاپی کی گئی آواز کے جھانسے میں آسکتے ہیں۔

خیال رہے کہ دنیا بھر میں 75 فیصد والدین اپنے بچوں کی تصاویر اور ویڈیوز سوشل میڈیا پر شیئر کرتے ہیں جبکہ 10 میں سے 8 والدین وہ ہوتے ہیں جو اپنے فالوورز سے کبھی ملے بھی نہیں ہوتے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں