امریکی ریاست ٹیکساس کے شہر ڈیلاس کے جنوب مغرب میں واقع ڈائنا سور ویلی اسٹیٹ پارک میں ڈائنا سور کے 11 کروڑ سال پرانے قدموں کے نشانات ملے۔

اس حوالے سے ڈائنا سور اسٹیٹ پارک کے ریٹیل منیجر پال بیکر کا کہنا ہے کہ اس سے پہلے انہوں نے کبھی ڈائنا سور کے اتنے زیادہ قدموں کے نشانات نہیں دیکھے تھے۔

ان کا کہنا تھا کہ یہ کسی خزانے کی تلاش جیسا ہے، ہمیں لگتا تھا کہ ہم یہاں ڈائنا سور کے قدموں کے تمام نشانات دیکھ چکے ہیں، مگر گزشتہ 2 سال کے دوران قحط سالی کے باعث بہت کچھ نیا سامنے آیا ہے۔

انہوں نے بتایا کہ شدید قحط سالی کے باعث یہاں بہنے والا دریائے پالکسی مختلف مقامات پر مکمل طور پر خشک ہوگیا جس کے نتیجے میں ڈائنا سور کی مختلف اقسام کے 11 کروڑ سال پرانے پیروں کے نشانات سامنے آگئے۔

ریٹیل منیجر پال بیکر کے مطابق عام حالات میں یہ جگہیں پانی کے اندر چھپی ہوتی ہیں اور ان پر کیچڑ ہوتی ہے جس کی وجہ سے انہیں دیکھنا ممکن نہیں ہوتا۔

ماہرین کا کہنا ہے کہ ریاست ٹیکساس کے ایک تہائی سے زائد حصے کو اس سال شدید خشک سالی کا سامنا ہوا اور اس کے نتیجے میں ڈائنا سور اسٹیٹ پارک میں قدیم تاریخ کے نئے باب سامنے آگئے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں