آج ہم آپکو بغیر بجلی کے کپڑے استری کرنے کا نہایت ہی آسان طریقہ بتائیں گے۔

سفید سرکے کی آسان ٹپس

اگر گھر میں بجلی نہ آرہی ہو اور آپ کو کپڑے استری کرنے ہوں تو ایسے میں آپ قمیض کو ہینگر میں لگا کر ایک اسپرے بوتل میں پانی اور سرکے کا محلول بنائیں اور قمیض پر اسپرے کریں اور اسے لٹکادیں، اس سے سلوٹیں ہٹ جائیں گی۔

اس کے علاوہ برتنوں پر لگے ضدی داغ خاص کر جلے ہوئے برتن صاف کرنے کے لئے اس برتن کو چولہے پر رکھیں اور اس میں پانی اور سرکہ ڈال کر گرم کریں پھر رگڑ کے دھو لیں، برتن صاف ہوجائے گا۔

گھر میں مکھیاں آرہی ہوں تو ایک پیالے میں سرکہ بھر کر اس پر ٹرانسپیرنٹ پلاسٹک لگائیں اور اس میں اوپر سے چھوٹے سوراخ کر کے کہیں بھی رکھ دیں، اس کی خوشبو سے مکھیاں چلی جائیں گی۔

نظر کے چشمے صاف کرنے کیلیئے اس پر سرکے کا اسپرے کر کے کپڑے سے صاف کریں یا کپڑے کو سرکے میں بھگو کر چشمہ صاف کریں۔

پیروں کے ناخنوں میں فنگس لگ جائے تو اسکے لیئے ایک ٹب میں گرم پانی ڈال کر اس میں سرکہ شامل کریں اور پیر بھگا دیں، فنگس ٹھیک ہوجائے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں