بھارت میں ایک خاتون کے بینک لاکر میں رکھے ہوئے 18 لاکھ روپے دیمک کھا گئی۔

بھارتی میڈیا رپورٹس کے مطابق متاثرہ خاتون الکا پاٹھک نے ایک سال بعد بینک لاکر کھولا تو پتہ چلا کہ دیمک نے ان کے 18 لاکھ روپے کا کیش کھا لیا ہے۔

بھارت کی ریاست اتر پردیش سے تعلق رکھنے والی ان خاتون نے بیٹی کی شادی کے لئے 18 لاکھ روپے جمع کرکے انہیں گزشتہ سال بینک لاکر میں رکھوایا تھا۔

خاتون کے وہم و گمان میں بھی نہیں تھا کہ بینک لاکر میں رکھی ان کی یہ رقم دراصل غیر محفوظ ہے۔

ذرائع کے مطابق بینک مینجر نے نوٹس لیتے ہوئے اس افسوس ناک معاملے کی انکوائری اور نقصان کا تخمینہ لگانے کی ہدایت کر دی ہے۔

اس واقعے سے بینک کا عملہ بھی حیران رہ گیا جبکہ اس معاملے کو بڑے پیمانے پرمیڈیا پر بھی رپورٹ کیا گیا ہے۔

واضح رہے کہ یہ اس نوعیت کا پہلا واقعہ نہیں، بلکہ رواں سال فروری میں بھی ایک خاتون نے بینک لاکر میں 2 لاکھ 15 ہزار روپے رکھے تھے جس میں سے 2 لاکھ روپے دیمک کھا گئی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں