یہ کہاوت ہے کہ “محبت اندھی ہوتی ہے” اور محبت کے چکر میں اکثر لوگ غلط فیصلے کرلیتے ہیں اور یہ سب کچھ اپنے ساتھی کی خوشی کے حصول کے لئے کیا جاتا ہے۔

عالمی میڈیا کی رپورٹ کے مطابق چین میں بھی ایک ایسا ہی واقعہ پیش آیا ہے جہاں محبوب کی خاطر وزن بڑھانے والی ماڈل کو پیار میں دھوکہ ملا ہے جو کہ کافی وائرل ہورہا ہے۔

اس واقعے سے پہلے، یہ خاتون ایک ماڈل کے طور پر کام کرتی تھیں اور اپنی ماڈلنگ ایجنسی کی ضروریات کے مطابق اس نے اپنا سائز- زیرو برقرار رکھا ہوا تھا۔

پھر اچانک وہ ایک ایسے شخص سے ملیں جس سے اسے محبت ہوگئی اور دونوں ہی شادی کرنے کا ارادہ رکھتے تھے لیکن محبوب نے شادی کے لئے ایک حیران کن مطالبہ کیا جو کہ خاتون کی زندگی میں ایک اہم موڑ ثابت ہوا۔

محبوب کا شادی کے لئے مطالبہ تھا کہ خاتون  اپنا وزن بڑھائے کیونکہ وہ بے حد پتلی تھی اور اسے اس طرح کی خواتین پسند نہیں تھیں۔

خاتون نے صرف ایک ماہ میں اپنا وزن 35 کلو تک بڑھا لیا جس کے بعد اس کے محبوب نے اس تعلق کو ختم کرنے کا فیصلہ کیا اور بتایا کہ وہ اپنی آزادانہ زندگی گزارنے کا خواہشمند ہے اور کوئی ذمہ داری نہیں اٹھا سکتا ہے۔

یہ وہ موڑ تھا جس نے خاتون کی زندگی کا رخ پوری طرح بدل دیا جس کے بعد اپنے وزن کی وجہ سے وہ ماڈلنگ کی نوکری سے بھی ہاتھ دھو بیٹھی۔

رپورٹ کے مطابق خاتون کے ساتھ پیش آنے والے واقعے کو صارفین کی جانب سے ملا جلا ردعمل ملا ہے جس میں سے بعض نے ہمدردی کا اظہار کیا ہے اور بعض نے حیرانگی کا اظہار کیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں