آج ہم آپکو بتائیں گے کہ ڈاکٹروں کی لکھی تحریر پڑھنا مشکل کیوں ہوتی ہے۔

کسی بھی شعبے کے مقابلے میں ڈاکٹروں کو سب سے زیادہ لکھنا ہوتا ہے۔

طبی ماہرین کے مطابق طب کے شعبے میں اگر ہر چیز کو لکھ کر درج نہ کیا جائے تو معاملات آگے نہیں بڑھتے۔

ڈاکٹروں کو مریض کی طبی تاریخ کے لیے ہر چیز کو تحریر کرنے کی ضرورت ہوتی ہے اور روزانہ بہت زیادہ لکھنا ہاتھ کو بہت زیادہ تھکا دیتا ہے۔

امریکا کے مرسی میڈیکل سینٹر کی ڈاکٹر روتھ بروٹو کا کہنا ہے کہ اگر آپ روزانہ 10 سے 12 گھنٹے لکھتے ہیں تو ہاتھ کے لیے اس بوجھ کو برداشت کرنا بہت مشکل ہوتا ہے۔

انہوں نے کہا کہ بیشتر ڈاکٹروں کی لکھائی دن گزرنے کے ساتھ بدتر ہو جاتی ہے کیونکہ ان کے ہاتھ کے چھوٹے مسلز بہت زیادہ کام کرنے کے باعث تھک جاتے ہیں۔

اس کے علاوہ جلد بازی بھی ایک وجہ ہے، اگر ڈاکٹر ہر مریض کے ساتھ ایک گھنٹہ گزاریں تو ان کو زیادہ لکھنا نہیں پڑے گا، مگر حقیقت تو یہ ہے کہ زیادہ تر ماہرین بہت جلد بازی میں مریضوں کو دیکھتے ہیں۔

محدود وقت میں بہت زیادہ مریضوں کو دیکھنا ہوتا ہے تو ڈاکٹروں کو اپنی تحریر اچھی کرنے کی بجائے سب سے کچھ لکھنے کی جلدی ہوتی ہے۔

اس وجہ سے بھی ان کی لکھائی خراب ہوتی ہے اور کئی بار طبی اصطلاحات بھی مریضوں کو سر کھجانے پر مجبور کر دیتی ہیں، جو ہمارے لیے تو مشکل ہوتی ہیں مگر فارمسٹ کو معلوم ہوتا ہے کہ ڈاکٹر کیا کہنا چاہتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں