بریانی، ہر خاص و عام کو پسند ہوتی ہے اور اسے تیار کئے جانے کے بھی الگ الگ طریقے ہوتے ہیں جو علاقے کی مناسبت سے ہوتے ہیں۔

حال ہی میں ایک واقعے کی ویڈیو سوشل میڈیا پر کافی وائرل ہورہی ہے جس میں ایک شخص بےروزگاری سے تنگ آکر خودکشی کرنے کا منصوبے کے تحت ایک پل پر چڑھ جاتا ہے ۔

اس واقعے کی ایک ویڈیو سوشل میڈیا پر گردش کر رہی ہے جس میں دیکھا جا سکتا ہے کہ یہ شخص کولکتہ کے پارک سرکس میں واقع لوہے کے ایک بڑے پل پر چڑھ گیا ہے۔

Advertisement

#Watch: An unidentified man climbed the Howrah Bridge. After prolonged efforts by Police & Fire Brigade, the man was brought down. pic.twitter.com/LUiIVTtSnX

— Pooja Mehta (@pooja_news) November 23, 2022

وہ شخص پل پر چڑھ گیا اور پل سے چھلانگ لگا کر زندگی کا خاتمہ کرنے کی دھمکی دی تاہم پولیس نے موقع پر پہنچ کر اسے ایسی پیشکش کی جس سے وہ انکار نہ کر سکا اور حالات پر قابو پالیا ۔

پولیس نے اس شخص کو کولکتہ کے ایک مشہور جوائنٹ سے بریانی دینے کا وعدہ کیا اور اس پیشکش کو قبول کرتے ہوئے اس نے اپنی خودکشی کے منصوبے کو ترک کرنے کا فیصلہ کیا۔

حکام کا کہنا تھا کہ یہ شخص مالی بحران سے گزر رہا تھا کیونکہ اسے اپنے ٹائلز کے کاروبار میں بہت زیادہ نقصان ہوا تھا اور اس کی بیوی سے طلاق بھی ہو چکی تھی اور اس کی چھوٹی بیٹی بھی اسے چھوڑ کر جا رہی تھی اور ان کی بڑی بیٹی بھی ان کے مالی حالات کی وجہ سے ان سے ناخوش تھی۔