تھائی لینڈ میں اکثر گھرآسیبی ہوتے ہیں اور یہ وبا ملک بھر میں عام ہے۔ اب طالب علموں نے اسے ایک کاروبار بناکر رقم کمانا شروع کردی ہے۔ وہ اکثر گھروں میں جاتے ہیں اور وہاں وقت گزارنے کے بعد اس کے محفوظ ہونے کا سرٹفکیٹ دیتے ہیں۔ اس کے بدلے انہیں کچھ رقم ملتی ہے۔

اب یہ کاروبار خوب پھل پھول رہا ہے۔ اس کے روح رواں ، راجا منگلا یونیورسٹی کے 21 سالہ وائفے چینگ ہیں۔ انہوں نے دیکھا کہ رئیل اسٹیٹ کے مالکان کو کسی ایسے مکان کی فروخت میں مشکل پیش آتی ہے جہاں اموات واقع ہوئی ہوں۔ اب چینگ نے اپنے ساتھی کے ساتھ یہ کام شروع کیا ہے۔

وہ آسیبی یا پراسرار مکانات میں چند دن رہتے ہیں اور کسی غیرمعمولی واقعے کے نہ ہونے کی صورت میں اس کے لیے محفوظ ہونے کی سند جاری کرتے ہیں۔ اس طرح مکانات اور جائیداد بیچنے والوں کو ڈھارس ملتی ہے اور وہ بڑے نقصان سے بچ چاتے ہیں۔

دونوں نوجوان نے سوشل میڈیا اور اخبارات میں اپنی سہولیات کے اشتہارات بھی دیئے ہیں۔ اس کے بعد ان کی پوسٹ وائرل ہورہی ہے اور لوگوں نے اس میں بہت دلچسپی بھی لی ہے۔ تاہم اب تک انہیں بہت کم ہی کلائنٹ مل سکے ہیں۔ انہوں نے اس کی فیس بھی رکھی ہے لیکن یہ کہا ہے کہ اس میں کمی کی جاسکتی ہے۔

چینگ کے مطابق وہ ایک رات مردے کے ساتھ گزار سکتےہیں۔ قبرستان جاسکتے ہیں اور آسیبی مکانات میں بھی رہ سکتےہیں۔ خواہشمند افراد ان سے رابطہ ضرور کیجئے۔ تاہم انہوں نے کہا کہ وہ رات گزارنے سے پہلے دعا کرتے ہیں اور تعویز پہن کر جاتے ہیں ۔