فیشن صرف لباس تک محدود نہیں، بلکہ یہ ایک مکمل اظہارِ ذات ہے اور سفید جوتے اس کا ایک لازوال حصہ ہیں چاہے چمڑے کے ہوں، کینوس یا میش، سفید جوتے ہر موسم، ہر اسٹائل اور ہر وارڈروب میں اپنی جگہ رکھتے ہیں لیکن جیسے ہی مون سون کا موسم آتا ہے، ان کی صفائی ایک بڑا چیلنج بن جاتی ہے۔

بارش، کیچڑ اور نمی سفید جوتوں کی خوبصورتی ماند کر دیتے ہیں لیکن گھبرانے کی ضرورت نہیں، ہم آپ کے لیے لائے ہیں ایک آسان DIY گائیڈ، جو آپ کے جوتوں کو نیا جیسا بنا دے گا اور وہ بھی گھر بیٹھے!

 ️ پہلے جانیں: جوتے کس میٹیریل کے ہیں؟

صفائی شروع کرنے سے پہلے یہ جاننا ضروری ہے کہ آپ کے جوتے کس میٹریل سے بنے ہیں، تاکہ ان کی دیکھ بھال مؤثر طریقے سے کی جا سکے۔

میش جوتے

نیم گرم پانی میں برتن دھونے والا مائع شامل کریں

نرم برش یا ٹوتھ برش کی مدد سے آہستگی سے رگڑیں

جوتے صاف اور تازہ نظر آئیں گے

کینوس جوتے

سفید ٹوتھ پیسٹ استعمال کریں

نرم برش سے دھیرے دھیرے رگڑیں

فوری فرق نظر آئے گا

چمڑے کے جوتے

تھوڑا سا سفید باڈی لوشن ایک نرم کپڑے پر لگائیں

جوتے پر نرمی سے پونچھیں

چمکدار اور نکھرے ہوئے جوتے حاصل کریں

  جوتے مشین میں دھو سکتے ہیں؟

کچھ جوتے مشین میں بھی دھوئے جا سکتے ہیں لیکن اس سے پہلے یہ اقدامات ضرور کریں:

کیئر لیبل چیک کریں

مشین کی سیٹنگ مناسب رکھیں

جوتے کسی کپڑے یا بیگ میں رکھ کر واش کریں

اگر ذرا سا بھی شک ہو، تو کسی ماہر کلینر سے مشورہ لینا بہتر ہے۔

✨  اسٹائل بھی، صفائی بھی!

مون سون کا مطلب یہ نہیں کہ فیشن قربان کر دیا جائے، ان آسان گھریلو طریقوں کو آزما کر آپ نہ صرف اپنے سفید جوتے صاف رکھ سکتے ہیں، بلکہ ہر موسم میں بااعتماد اسٹائل بھی برقرار رکھ سکتے ہیں۔