راتوں رات امیر بننے والی کہاوت تو آپ نے سنی ہی ہوگی تاہم روس میں ایک فیکٹری ملازم کے لیے یہ حقیقت بن گئی۔

 روس کے شہر خانتی مانسییسک میں ایک فیکٹری ملازم ولادیمیر ریچاگوف کے اکاؤنٹ میں کمپنی کی غلطی سے سات ملین روبل (تقریباً 87 ہزار امریکی ڈالر) ٹرانسفر ہوگئے جسے دیکھ کر پہلے تو اسے اپنی آنکھوں پر یقین ہی نہیں آیا، لیکن کچھ لمحوں بعد اچانک اتنی بڑی رقم پاکر وہ خوشی سے نہال ہوگیا۔

یہ بھی پڑھیں: دوران ملازمت ہفتے میں کتنے دن کام کرنا بہتر صحت کا ضامن ہے، تحقیق میں اہم انکشاف

تاہم ولادیمیر کی یہ خوشی زیادہ دیر تک قائم نہ رہ سکی اور اسے جلد ہی اکاؤنٹنگ ڈیپارٹمنٹ سے فون آنے لگے کہ یہ رقم غلطی سے اس کے اکاؤنٹ میں منتقل ہو گئی ہے لہذا اسے واپس کرنا ضروری ہے۔

کمپنی کا کہنا ہے یہ رقم دراصل کمپنی کے 34 ملازمین کی تنخواہوں کے لیے تھی، جبکہ سافٹ ویئرکی خرابی کے باعث ساری رقم ایک ہی شخص کے اکاؤنٹ میں منتقل ہو گئی۔

کمپنی نے رقم واپس

مانگی مگر ولادیمیر نے انکار کر دیا، یہ دعویٰ کرتے ہوئے کہ یہ رقم ’’تنخواہ‘‘ کے طور پر درج تھی، لہٰذا وہ اس کا حقدار ہے، ولادیمیر  نے ان پیسوں سے نئی گاڑی خریدی اور خاندان کے ہمراہ دوسرے شہر منتقل ہو گیا۔

رقم واپس کرنے سے انکار پر کمپنی نے ولادیمیر پرمقدمہ دائر کردیا، جس پر عدالت نے فیصلہ دیا کہ ولادیمیر کو یہ رقم واپس کرنا ہوگی۔ تاہم، اس نے سپریم کورٹ میں اپیل کر دی ہے اور اب بھی رقم واپس کرنے سے انکاری ہے۔