گلوبل وارمنگ کے اس دور میں اےگھر ، دفتر ، شاپنگ مال سے لے کر گاڑیوں تک میں اے سی کا استعمال اب ضروری ہوگیا ہے۔
لیکن اےسی جہاں گرمی میں راحت فراہم کرتا ہے وہیں گھر میں بجلی کا بل اور گاڑی میں پیٹرول کی کھپت بھی بڑھا دیتا ہے۔
ایک عام تاثر یہی ہے کہ گاڑی میں اےسی چلانے سے پیٹرول کی کھپت بڑھ جاتی ہے ۔لیکن یہاں ایک سوال جو قابل غور ہے وہ یہ کہ کیا گاڑی کا اے سی بند کردینے سے پیٹرول کی بچت ہوتی ہے؟
تو آیئے اس سوال کا جواب ماہرین کی رائے کے مطابق تلاش کرنے کی کوشش کرتے ہیں۔
اس بات کا جواب دینا آسان نہیں ہے، یعنی بظاہر اے سی نہ چلانے سے پیٹرول کی بچت ہوتی ہے مگر اس تناسب کا اندازہ لگانے کی کوشش کریں تو احساس ہوگا کہ یہ بچت زیادہ نہیں ہوتی بلکہ بہت معمولی ہوتی ہے۔
امریکن آٹو موبائل ایسوسی ایشن (اے اے اے) کا اس حوالے سے کہنا ہے کہ گاڑی کا اے سی چلنے کے باعث انجن پر معمولی دباؤ بڑھ جاتا ہے، جس سے پیٹرول تھوڑا زیادہ استعمال ہونے لگتا ہے۔
تاہم امریکن آٹو موبائل ایسوسی ایشن کا مزید کہنا ہے کہ بہت سے ڈرائیور حضرات اس بات کا فرق واضح نہیں تلاش کرسکتے۔ اس کے لیے آپ کو اپنی گاڑی کی خصوصیات اور اے سی کمپریسر کے بارے میں جاننے کی ضرورت ہوتی ہے۔
ماہرین کا کہنا ہے کہ عموماً اے سی کے بغیر گاڑی چلانے سے پیٹرول کی بہت معمولی بچت ہوتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News