ملک بھرمیں فی تولہ سونے کی قیمت میں 200 روپے اضافہ ہوگیا ہے۔

تفصیلات کے مطابق چئیرمین جیولرز ایسوسی ایشن محمد ارشد نے اپنے ایک بیان میں کہا کہ پاکستان میں سونے کی فی تولہ قیمت میں 200 روپے کے اضافہ کے بعد تولہ سونا 86200 روپے ہوگئی جبکہ 10 گرام سونے کی قیمت میں172 روپے کے اضافہ کے بعد 73903 روپے ہوگئی ہے۔

 چئیرمین جیولرز ایسوسی ایشن محمد ارشد نے مزید کہا کہ عالمی مارکیٹ میں سونا09 ڈالر اضافہ کے بعد سونا 1476 ڈالر فی اونس کی سطح پر پہنچ گیا ہے جبکہ مقامی مارکیٹ میں چاندی 1040 روپے فی تولہ میں فروخت کی جارہی ہے۔

واضح رہے اس سے قبل سونے کی قیمتوں میں اضا فے کے بعد ایک بار پھرحیرت انگیز کمی،ملک بھرمیں فی تولہ سونے کی قیمت میں 400 روپے کمی ہوگئی تھی۔

تفصیلات کے مطابق سونے کی قیمت میں کمی کے بعد فی تولہ سونا 85ہزار 800 روپے کی سطح پر آگیا جبکہ آج 10 گرام سونا 342 روپے کی کمی کے بعد 73559 روپے کا ہوگیا تھی۔

ذرائع کا کہنا تھا کہ عالمی مارکیٹ میں سونا 17ڈالر کی کمی کے 1459 ڈالر فی اونس کی سطح پر ریکارڈ کیا گیا تھا۔

علاوہ ازیں اس سے قبل ملک بھرمیں فی تولہ سونے کی قیمت میں 150 روپے اضافہ ہوگیا تھا جس کے بعد فی تولہ سونا  86 ہزار 700 روپے کا ہوگیا جبکہ 10 گرام سونا 128 روپے مہنگا ہونے سے نئی قیمت 74ہزار 331 روپے ہوگئی تھی اور عالمی منڈی میں بھی فی اونس سونا 6ڈالر مہنگا، نئی قیمت 1465 ڈالر ہوگئی تھا۔

دوسری جانب ذرائع کا یہ بھی کہنا تھا کہ سونے کے ساتھ انٹر بینک میں ڈالر کی قدر میں 1 پیسے کی کمی ہو گئی تھی، اوپن مارکیٹ میں ڈالر 10 پیسے سستا ہوگیا جبکہ اوپن مارکیٹ میں ڈالر 155.60 سے کم ہوکر 155.50 روپے کا ہوگیا تھا۔

  علاوہ ازیں ذرائع کا مزید کہنا تھا کہ انٹر بینک میں ڈالر 6 پیسے سستا جبکہ اوپن مارکیٹ میں امریکی کرنسی کی قدر 20 پیسے بڑھ گئی تھی۔