ملک بھرمیں فی تولہ سونے کی قیمت میں 100 روپے اضافہ ہوگیا ہے۔

تفصیلات کے مطابق چئیرمین جیولرز ایسوسی ایشن محمد ارشد نے اپنے ایک بیان میں کہا کہ پاکستان میں سونے کی فی تولہ قیمت 100 روپے اضافے کے بعد سونا 84500 روپے فی تولہ ہوگیا جبکہ 10 گرام سونے کی قیمت  میں86 روپے  اضافے کے بعد 10 گرام سونا 72445 روپے تک ہوگئی ہے۔

 چئیرمین جیولرز ایسوسی ایشن محمد ارشد نے مزید کہا کہ انٹرنیشنل مارکیٹ میں سونا 09 ڈالر کے اضافہ کے بعد سونا1475 ڈالر فی اونس کی سطح پر پہنچ گیا ہے جبکہ کراچی کی لوکل مارکیٹس میں چاندی 1010 روپے فی تولہ میں فروخت کی جارہی ہے۔

واضح رہے اس سے قبل بھی سونے کی قیمتوں میں اضا فے کے بعد ایک بار پھرحیرت انگیز کمی کے بعد ملک بھرمیں فی تولہ سونے کی قیمت میں 200 روپے کمی ہوگئی تھی۔

چئیرمین جیولرز ایسوسی ایشن محمد ارشد نے اپنے ایک بیان میں کہا  تھا کہ پاکستان میں سونے کی فی تولہ قیمت میں 200 روپے کی کمی کے بعد  84300 روپے ہوگئی جبکہ 10گرام سونے کی قیمت 171 روپے کی کمی کے بعد 72273 روپے ہوگئی تھی۔

   چئیرمین جیولرز ایسوسی ایشن محمد ارشد نے مزید کہا  تھا کہ عالمی مارکیٹ میں سونا 04ڈالر اضافہ کے بعد  1467 ڈالر فی اونس کی سطح پر پہنچ گیا تھا  جبکہ مقامی  مارکیٹ میں چاندی کی قیمت  1010 روپے فی تولہ پر مستحکم رہی تھی۔

دوسری جانب ذرائع کا یہ بھی کہنا تھا کہ سونے کے ساتھ انٹر بینک میں ڈالر کی قدر میں 1 پیسے کی کمی ہو گئی تھی، اوپن مارکیٹ میں ڈالر 10 پیسے سستا ہوگیا جبکہ اوپن مارکیٹ میں ڈالر 155.60 سے کم ہوکر 155.50 روپے کا ہوگیا تھا۔

  علاوہ ازیں ذرائع کا مزید کہنا تھا کہ انٹر بینک میں ڈالر 6 پیسے سستا جبکہ اوپن مارکیٹ میں امریکی کرنسی کی قدر 20 پیسے بڑھ گئی تھی جبکہ کہ2019 کے آغاز میں بھی ڈالر کی قیمت میں روپے کے مقابلے میں پیش رفت جاری رہی تھی۔