ایف اے ٹی ایف نے پاکستان کو ڈیڑھ سو سوالوں پر مشتمل سوالنامہ بھجوادیا۔

تفصیلات کے مطابق ایف اے ٹی ایف کی جانب سے بھیجے گئے سوالنامے میں کالعدم تنظیموں سے جڑے افراد کے خلاف کارروائی کا مطالبہ کیا گیا ہے پاکستان کے پاس جواب جمع کرانے کے لئے آٹھ جنوری کی ڈیڈلائن ہے۔

ذرائع وزارت خزانہ کے مطابق فنانشل ایکشن ٹاسک فورس کی جانب سے موصول سوالنامے میں مطالبہ کیا گیا ہے کہ پاکستان کالعدم تنظیموں سےمنسلک افرادکوسزا دلوائے ساتھ ہی مدارس سےمتعلق کیےگئے قانونی اقدامات کی تفصیلات اور کالعدم تنظیموں کےخلاف درج مقدمات کی نقول بھی مانگی گئی ہیں۔

سوال نامہ پاکستان کی جانب سے تین دسمبر کوجمع کرائی گئی رپورٹ کےجواب میں بھیجا گیا ہے جس پر 8 جنوری تک جوابات جمع کرانا ہوں گے۔

واضح رہے کہ نانشل ایکشن ٹاسک فورس کو مطمئن کرنے کے لئے پاکستانی اقدامات پر مشتمل تفصیلی رپورٹ تیار کی گئی تھی۔

فنانشل ایکشن ٹاسک فورس سفارشات پر عملدرآمد ،اقدامات پرمفصل رپورٹ جمع کرائی گئی تھی، رپورٹ میں منی لانڈرنگ کی روک تھام پراقدامات شامل ہیں جبکہ پاکستان نے ٹیرر فنانسگ پراقدامات بھی رپورٹ میں شامل کئے تھے۔

رپورٹ میں پاکستان دہشت گردوں تک رقوم، اثاثے اور زیورات کی منتقلی روکنے کے اقدامات سے آگاہ کیا گیا۔

ایف اے ٹی ایف سات  دسمبر  کو  پاکستان کی رپورٹ کا ابتدائی جائزہ لے گا۔

رپورٹ میں مزید بتایا گیا تھا کہ دہشت گردوں تک رقوم پہنچانے پر 170 افراد دھر لیے، دہشت گردوں تک رقوم پہنچانے والوں کے خلاف گھیرا تنگ کیا گیا پاکستان  کالعدم تنظیموں کی1000جائیدادیں ضبط کی گئی تھیں۔

جاری کردہ رپورٹس کے مطابق ان جائیدادوں میں 35 کے مالکان کے خلاف تحقیقات جاری کی گئی تھیں جبکہ پاکستان مزید 150 قیمتی جائیدادوں کی تحقیقات بھی کررہا ہے اور کرنسی اسمگلنگ کے خلاف ایکشن میں  220 فی صد اضافہ ہوا تھا۔