کراچی سمیت  سندھ  بھر میں سی این جی اسٹیشنز کل بروز اتوار مورخہ 19 جنوری کی صبح کھلیں گے۔

سوئی سدرن گیس کمپنی (ایس ایس جی سی) کے ترجمان کے مطابق سندھ بھر میں تمام سی این جی اسٹیشنزکل  صبح 8 آٹھ بجے سے رات 8 بجے تک صرف 12 گھنٹے کے  لیے کھلیں گے۔

ایس ایس جی سی ترجمان کی جانب سے موقف اپنا یا گیا کہ ایس ایس جی سی کومختلف گیس فیلڈز سے ملنے والی گیس کی مقدارکم موصول ہو رہی ہے جس  کے سبب لائن پیک سخت متاثر ہے۔

ترجمان ایس ایس جی سی کا مزید کہنا تھا کہ انتہائی کم پریشر کی وجہ سے کمپنی کو گھریلو صارفین کو گیس پہنچانے میں سخت مشکلات کا سامنا ہے۔

ایک برس میں 31 فیصد نوجوان بے روزگار ہوئے، سروے رپورٹ

ایس ایس جی سی  ترجمان نے اپنے موقف میں کہا کہ سی این جی صارفین کی مشکلات کو سامنے رکھتے ہوئے کل بروز اتوار صبح 8 بجے سے رات 8 بجے تک12گھنٹے  کے لیےسندھ بھر میں تمام سی این جی اسٹیشنز کو گیس کی سپلائی جاری رکھی  جائےگی۔

ترجمان ایس ایس جی سی نے کہا کہ آئندہ   کے شیڈول  کا فیصلہ گیس پریشر کی صورتحال کو مد نظر رکھ کر کیا جائے گا۔

واضح رہے کہ سندھ بھر میں سی این جی اسٹیشنز  گذشتہ چھ دن سے بند ہیں جس کے باعث  عوام کو کافی مشکلات کا سامنا کرنا پڑ رہا ہے بالخصوص پبلک ٹرانسپورٹ  میں سفر کرنے والے شہری خاصے پریشان نظر آتے ہیں۔

اس سے قبل سی این جی اسٹیشنز 12 جنوری بروز  اتوار کو  12 گھنٹے کے لیے ہی کھولے گئے تھے۔