کاروباری وفد نے وزیراعظم کو کاروبار اور صنعتوں کے فروغ کے لیے اٹھائے گئے اقدامات پر خراج تحسین پیش کیا ہے۔

وزیراعظم عمران خان سے ملک بھر سے نو منتخب چیمبر اف کامرس اینڈ انڈسٹری کے صدور اور نمائندہ وفد کی ملاقات ہوئی ہے۔

کاروباری وفد میں محمد احمد ، ملک محمد اشرف، رانا محمد سکندر اعظم،، میاں عمر سلیم، علی حسین اصغر ، میر نوید بلوچ ، شاہد حسین، رضوان علی اور دیگر شامل ہیں۔

ملاقات میں وزیر توانائی عمر ایوب، مشیر تجارت عبدالرزاق داود، چیرمین سرمایہ کاری بورڈ سید زبیر گیلانی جبکہ چیرمین ایف بی ار سید شبر زیدی سمیت دیگر افراد بھی موجود ہیں۔

ملاقات میں کاروباری افراد کی جانب سے وزیر اعظم کو ٹیکس ریفنڈز، صنعتوں کو گیس اور بجلی کی فراہمی پر تجاویز پیش کردی گئی جبکہ بیمار صنعتوں کی بحالی، اسپیشل اکنامک زونز اور برامدات میں اضافے کے لیے تجاویز بھی پیش کی گئیں۔

سندھ حکومت گندم کی قیمت میں استحکام لانے کیلئے متحرک

وزیر اعظم کی ٹیکس کے حوالے سے وفد کی تجویز پر  ایف بی آر چیئرمین کو ہدایت کردی اور بتایا مکہ پیر کے دن اوپن ہاوس منعقد کیا جائے۔

وزیراعظم کا کہنا تھا کہ چیئرمین ایف بی آر صنعتکاروں کے مسائل خود سنیں جبکہ اس موقع پر عمران خٓن نے مزید کہا کہ حکومت نے پہلے دن سے ہی فیصلہ کیا کہ پاکستان کو ایک صنعتی قوت بنائیں گے، میں اور میری معاشی ٹیم ہر ممکن مدد فراہم کریں گے۔

وزیر اعظم نے وفد کی طرف سے انفارمیشن ٹیکنالوجی،  حلال فوڈ اور دوا سازی کے شعبوں میں سرمایہ کاری میں دلچسپی کو سراہا۔

واضح رہے کہ وزیرِ اعظم عمران خان نے چھوٹے دکانداروں پر انسپکشن اور غیرضروری سرٹیفکیٹس کےنام پر لیے جانے والے ٹیکسز کا نوٹس لے لیا۔

وزِ یراعظم نے چھوٹے دکانداروں پر غیرضروری ٹیکسز ختم کرنے کی ہدایت جاری کردی ہے۔

وزیر اعظم کا کہنا ہے کہ 15 چھوٹے کاروباروں پر ٹیکس ختم کیا جائے، اس سلسلے میں صوبائی حکومتیں لوکل گورنمنٹ کمیشن کو ہدایات جاری کریں۔

انہوں نے کہا کہ غریب کاروباری افراد کو بے جا تنگ نہ کیا جائے، غیرضروری سرٹیفکیٹس کے نام پر ہراساں کرنے کی اجازت نہیں دے سکتے۔

وزیر اعظم کا کہنا ہے کہ چھوٹے دکانداروں کو پُرسکون ماحول فراہم کرنا ترجیح ہے۔