کراچی کے شہریوں کے لئے اچھی خبر ،سندھ بھر میں سی این جی اسٹیشنز  آج رات 8 بجے کھول دیے جائیں گے۔

تفصیلات کے مطابق  سوئی سدرن گیس کمپنی کے ترجمان نے کراچی کے شہریوں کے لیے خوشخبری سنادی۔کراچی سمیت سندھ بھر  میں سی این جی اسٹیشنز آج رات 8 بجے سے 12 گھنٹے کے لیے کھولے جائیں گے۔

سوئی سدرن گیس کمپنی کے ترجمان کے مطابق گیس فیلڈ سے ملنے والی گیس کی مقدار انتہائی کم ہےجس کے باعث لائن پیک شدید متاثر ہے۔

حکومت کا عوام کو سستی بجلی فراہم کرنے کا منصوبہ

 ترجمان  کا مزید کہنا ہے کہ گیس  کی کمی سے گھریلو صارفین بھی متاثر ہورہے ہیں تاہم سی این جی صارفین کی ضروریات کو مدنظر رکھتے ہوئے سندھ بھر میں سی این جی اسٹیشنز منگل رات 8 بجے سے بدھ  کی صبح 8 بجے تک کھلیں گے ۔

سوئی سدرن گیس کمپنی کےترجمان کے مطابق 12 گھنٹے تک سی این جی صارفین کو گیس کی سپلائی جاری رہے گی تاہم آئندہ کا گیس سپلائی  کے شیڈول  کا اعلان گیس پریشر کو مدنظر رکھ کر کیا جائے گا ۔

ایل پی جی کی قیمت میں اضافہ

اس سے قبل کراچی میں سی این جی اسٹیشنز  اتوار کی صبح 8 بجے سے رات 8 بجے تک 12 گھنٹے کے لیے کھولے گئے تھے۔

واضح رہے کہ اس وقت پورے  ملک میں سردی کی شدید لہر کا بہانہ بناکر حکومت نے عوام کو سی این جی کی فراہمی تقریباً بندکی ہوئی ہے۔

اس کے ساتھ ساتھ گھریلو صارین بھی گیس کو ترس رہے ہیں اور انہیں کھانا بنانے تک کے لیے سیلنڈرزکا سہارا لینا پڑ رہا ہے۔