وزیراعظم عمران خان نے ملک میں آٹے کی قمیتوں میں اضافے کا نوٹس لے لیا۔

تفصیلات کے مطابق ذرائع کے مطابق وزیراعظم عمران خان نے آٹے کی قمیتوں میں اچانک اضافے کے معاملے پر دو رکنی کمیٹی کو وزیراعلیٰ پنجاب عثمان بزدار اور وزیراعلیٰ کے پی محمود خان سے مشاورت کرنے کی ہدایت کی ہے۔

ذرائع کا کہنا ہے کہ وفاق نے پاسکو کے کوٹے سے کے پی کو 1 لاکھ ٹن گندم فراہم کرنے کا فیصلہ کیا ہے جب کہ رواں سال 3 لاکھ ٹن گندم درآمد کرنے کا بھی فیصلہ کیا گیا ہے۔

واضح رہے کہ ملک بھر میں آٹے کی قیمت میں اضافہ کر دیا گیا ہے، پاکستان کے سب سے بڑے شہر کراچی میں 10 کلو آٹا660 روپے سے 700 روپے میں فروخت ہو رہا ہے۔

ہائے مہنگائی،روٹی بھی عوام کی پہنچ سے دور

آٹا چکی ایسوسی ایشن نے قیمت میں 6 روپے فی کلو اضافہ کر دیا ہے، جس کے بعد چکی آٹے کی قیمت 64 روپے سے 70 روپے فی کلو ہو گئی ہے۔

قیمت میں پہلے بھی 4 روپے اضافہ کیا گیا تھا، چکی ایسوسی ایشن کا کہنا ہے کہ اوپن مارکیٹ سے گندم 2 ہزار روپے فی من ملتی ہے، فلور ملز کو وہی گندم 1350 روپے میں فراہم کی جاتی ہے، بجلی کی قیمتوں میں اضافے کے بعد آٹے کی قیمت میں اضافہ کیا گیا ہے۔

سندھ کے دوسرے بڑے شہر وں جیسے حیدرآباد میں بھی آٹے کی قیمت تاریخ کی بلند ترین سطح پر پہنچ چکی ہے، حیدر آباد میں چند روزمیں 10 کلو آٹےکا تھیلا 640 روپے کا ہو گیاہے۔

اس کے علا وہ پا کستان کے دل لاہور میں چکی ایسوسی ایشن نے آٹا 70 روپے فی کلو فروخت کرنے کا اعلان کر دیا ہے،فیصل آباد میں سرکاری کوٹے پر آٹا چکیوں کوگندم کی فراہمی بند ہوگئی ہے۔

بلو چستان کے شہرکوئٹہ میں 20 کلو آٹے کا تھیلا 11 سو روپے میں فروخت ہو رہا ہے تا ہم افسوس نا ک با ت یہ ہے کہ سوات کے علاقے کانجو میں 6 روپے میں ملنے والی سستی روٹی بھی بند ہو گئی۔