سال نو کے پہلے روز  سونے کی قیمتوں ایک بار پھرحیرت انگیز کمی، ملک بھرمیں فی تولہ سونے کی قیمت میں 250 روپے کمی ہوگئی ہے۔

تفصیلات کے مطابق چئیرمین جیولرز ایسوسی ایشن محمد ارشد نے اپنے ایک بیان میں کہا کہ سال نو کے آغاز پر پاکستان میں فی تولہ سونا 250 روپے کمی کے بعد 88 ہزار 150 روپے کا ہوگیا  جبکہ دس گرام سونا 216 روپے کمی سے 75 ہزار 574 روپے کی سطح پر پہنچ گیا ہے۔

 چئیرمین جیولرز ایسوسی ایشن محمد ارشد نے مزید کہا کہ عالمی مارکیٹ م میں سونا 4 ڈالرز کمی سے  1518 فی اونس کی سطح پر پہنچ گیا ہے جبکہ مقامی مارکیٹ میں چاندی کی قیمت  1070 روپے فی تولہ پر مستحکم رہی ہے۔

فی تولہ سونے کی قیمت میں 500 روپے اضافہ

واضح رہے گزشتہ روز ملک بھرمیں فی تولہ سونے کی قیمت میں 500 روپے ہوشربا اضافہ ہوگیا تھا۔

چئیرمین جیولرز ایسوسی ایشن محمد ارشد نے اپنے ایک بیان میں کہا تھا کہ پاکستان میں سونے کی قیمت میں ہوشربا اضافہ کے بعد فی تولہ سونا 500 روپے اضافے سے 88 ہزار 400 روپے کا ہوگیا جبکہ دس گرام سونا 430 روپے اضافے سے 75 ھزار 790 روپے کا ہوگیا تھا ۔

 اپنے بیان میں چئیرمین جیولرز ایسوسی ایشن محمد ارشد نے مزید کہا تھا کہ انٹرنیشنل مارکیٹ میں سونا میں فی اونس سونا 10 ڈالرز اضافے سے 1522 ڈالرز فی اونس ہوگئی تھی۔

دوسری جانب ذرائع کا یہ بھی کہنا تھا کہ سونے کے ساتھ انٹر بینک میں ڈالر کی قدر میں 1 پیسے کی کمی ہو گئی تھی، اوپن مارکیٹ میں ڈالر 10 پیسے سستا ہوگیا جبکہ اوپن مارکیٹ میں ڈالر 155.60 سے کم ہوکر 155.50 روپے کا ہوگیا تھا۔

  علاوہ ازیں ذرائع کا مزید کہنا تھا کہ انٹر بینک میں ڈالر 6 پیسے سستا جبکہ اوپن مارکیٹ میں امریکی کرنسی کی قدر 20 پیسے بڑھ گئی تھی جبکہ کہ2019 کے آغاز میں بھی ڈالر کی قیمت میں روپے کے مقابلے میں پیش رفت جاری رہی تھی۔