سونے کی قیمتوں میں اضا فے کے بعد ایک بار پھرحیرت انگیز کمی، پاکستان میں فی تولہ سونے کی قیمت میں 150 روپے کمی ہوگئی ہے۔

تفصیلات کے مطابق چئیرمین جیولرز ایسوسی ایشن محمد ارشد نے اپنے ایک بیان میں کہا کہ پاکستان میں سونے کی فی تولہ قیمت 150 روپے کمی کے بعد سونا 90350 روپے کا ہوگیا جبکہ پاکستان میں  10 گرام سونے کی قیمت  128 روپے کی کمی کے بعد 77460 روپے  کا ہوگیا ہے۔

   چئیرمین جیولرز ایسوسی ایشن محمد ارشد نے مزید کہا کہ عالمی صرافہ مارکیٹ  میں سونا 03ڈالر کمی کے بعد 1567 ڈالر فی اونس ہوگیا  جبکہ پاکستان میں  چاندی کی قیمت  1030 روپے  فی تولہ پر مستحکم رہی۔

واضح رہے اس سے قبل بھی ملک بھرمیں فی تولہ سونے کی قیمت میں 150 روپے اضافہ ہوگیا تھا۔

چئیرمین جیولرز ایسوسی ایشن محمد ارشد نے اپنے ایک بیان میں کہا تھا کہ پاکستان میں سونے کی فی تولہ قیمت میں 150 روپے کے اضافہ کے بعد تولہ سونا 85200 روپے ہوگئی جبکہ 10 گرام سونے کی قیمت میں 128 روپے کے اضافہ کے بعد 73045 روپے ہوگئی تھی۔

سونے کی قیمت گر گئی

 چئیرمین جیولرز ایسوسی ایشن محمد ارشد نے مزید کہا تھا کہ انٹرنیشنل مارکیٹ میں سونا 11 ڈالر اضافہ کے بعد سونا 1469 ڈالر فی اونس کی سطح پر پہنچ گیا تھا جبکہ مقامی مارکیٹ میں چاندی 1020 روپے فی تولہ میں فروخت کی جارہی تھی۔

دوسری جانب ذرائع کا یہ بھی کہنا تھا کہ سونے کے ساتھ انٹر بینک میں ڈالر کی قدر میں 1 پیسے کی کمی ہو گئی تھی، اوپن مارکیٹ میں ڈالر 10 پیسے سستا ہوگیا جبکہ اوپن مارکیٹ میں ڈالر 155.60 سے کم ہوکر 155.50 روپے کا ہوگیا تھا۔

  علاوہ ازیں ذرائع کا مزید کہنا تھا کہ انٹر بینک میں ڈالر 6 پیسے سستا جبکہ اوپن مارکیٹ میں امریکی کرنسی کی قدر 20 پیسے بڑھ گئی تھی جبکہ کہ2019 کے آغاز میں بھی ڈالر کی قیمت میں روپے کے مقابلے میں پیش رفت جاری رہی تھی۔