پٹرولیم مصنوعات کی قیمتوں میں کمی کر دی گئی ہے جس کا باقاعدہ اعلامیہ بھی جاری کردیا گیا ہے۔

تفصیلات کے مطابق وزارت خزانہ کی جانب سے پیٹرولیم مصنوعات کی قیمتوں میں کمی اعلامیہ جاری کردیا گیا ہے۔

جاری کردہ اعلامیے کے مطابق پٹرول کی قیمت میں 15روپے فی لیٹر کمی کی گئی ہے جبکہ ڈیزل اور مٹی کے تیل کی قیمت میں بھی 15 روپے فی لیٹر کمی واقع ہوئی ہے۔

15 روپے کمی سے پٹرول کی نئی قیمت 96روپے 60پیسے ہو گئی ہے، ڈیزل کی قیمت 107روپے 25 پیسے پر آگئی اور مٹی کا تیل سستا ہونے کے بعد 77روپے 45 پیسے کا ہو گیا ہے۔

اعلامیے کے مطابق نئی قیمتوں کا اطلاق رات بارہ بجے کے بعد ہو گا۔

یاد رہے کہ اس سے قبلوزیراعظم عمران خان کی جانب سے پیٹرول کی قیمتوں میں کمی کا اعلان انہوں نے سینئر صحافیوں سے قومی معاشی ٹیم کے اجلاس کے بعد مکالمے میں کیا گیا ہے۔

سنئر صحافیوں کے ساتھ ملاقات کے دوران وزیراعظم عمران خان نے کہا کہ ملک میں افراتفری پھیلائی جا رہی ہے، ہمیں کرونا وائرس سے نہیں بلکہ خوف میں آ کر غلط فیصلے کرنے سے زیادہ خطرہ ہے۔

عالمی برادری مقبوضہ کشمیر کی صورتحال کا نوٹس لے، وزیر خارجہ کا مطالبہ

وزیراعظم نے مختلف شعبہ جات کے لئے ریلیف پیکیج کا اعلان کرتے ہوئے کہا کہ ہم نے ملکی حالات سامنے رکھتے ہوئے فیصلے کرنے ہیں، نیشنل سیکیورٹی کونسل کی میٹنگ کے دوران ہی ملک لاک ڈاؤن ہونا شروع ہوگیا تھا۔ اسکولز بند ہو گئے تھے، ٹرانسپورٹ بند تھی۔

ذرائع پیٹرولیم ڈویژن کے مطابق پیٹرولیم مصنوعات کی قیمتوں میں کمی کا نوٹیفکیشن اگلے 24 گھنٹوں تک متوقع کیا جارہا ہے۔

ان کا کہنا تھا کہ مشاورت مکمل ہونے پر پٹرول اور ڈیزل کی قیمتوں میں کمی کا نوٹیفکیشن 24 گھنٹوں تک جاری کیا جائے گا۔