پاکستان ریلوے نے کرایوں میں کمی کردی

سید ذیشان احمد

04th Mar, 2020. 02:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان ریلوے نے کرایوں میں کمی کردی

ریلوے کے ذریعے سفر کرنے والے مسافروں کے لیے خوشخبری ، پاکستان ریلوے کا ٹرینوں کے کرایوں میں کمی کردی۔

تفصیلات کے مطابق پاکستان ریلوے نے دو ماہ کے لئے ملک بھر میں چلنے والی 21 مسافر ٹرینوں کے کرایوں میں کمی کا نوٹیفیکیشن جاری کردیا ہے۔

مسافر ٹرینوں میں اے سی بزنس اور اے سی سلیپر کی ایک طرف ٹکٹ پر 10 دس فیصد اور دو طرفہ ٹکٹ پر 25 فیصد رعایت دی جائےگی۔رعایت 08 مارچ 2020 سے 08 مئی2020 تک لا گو رہے گی۔

کرایوں میں کمی کا اطلاق ٹرینوں کی صرف اے سی بزنس اور اے سی اسٹنڈرڈ کلاسز پر ہوگا جبکہ کرایوں میں رعایت صرف ایڈوانس بکنگ پر حاصل ہوگی۔

مسافروں کو کرایوں میں کمی کی سہولت عوامی ایکسپریس ،ملتان ایکسپریس، رحمان بابا ،کراچی ایکسپریس ،بزنس ایکسپریس ،شالیمار ایکسپریس ،شاہ حسین ایکسپریس ،قراقرم ایکسپریس میں حاصل ہوگی۔

اس کے علاوہ بہاؤالدین زکریا ایکسپریس ،گرین لائن ایکسپریس ،موسی پاک ایکسپریس ،مہران ایکسپریس ، فیصل آباد ایکسپریس ،فیصل ایکسپریس اور اسلام آباد ایکسپریس پر بھی ایڈوانس بکنگ پر مسافروں کو رعایت ملے گی۔