اقتصادی رابطہ کمیٹی نے پاور ڈویژن کی طرف سے 20 ارب روپے کے خصوصی ریلیف پیکیج کی تجویز کی بھی منظوری دے دی اور گندم کی قیمت 1400 روپے فی 40 کلو تک بڑھانے کی تجویز پر غور کیا۔

تفصیلات کے مطابق وزیر اعظم کے مشیر برائے خزانہ اور محصولات ڈاکٹر عبدالحفیظ شیخ کی زیرصدارت اقتصادی رابطہ کمیٹی (ای سی سی) کا اجلاس منعقد ہوا۔

ای سی سی نے گندم کی قیمت 1400 روپے فی 40 کلو تک بڑھانے کی تجویز پر تبادلہ خیال کیا اور جمعرات کو اس حوالے سے ایک خصوصی اجلاس بھی طلب کےا ہے جس میں گندم کی امدادی قیمت کے حوالے سے تفصیلی جائزہ لیا جائے گا۔

اجلاس میں پاسکو کی سپلائی کے لئے امدادی قیمت، حادثاتی اخراجات میں اضافے اور صوبوں کی جانب سے گندم کی خریداری سے متعلق معاملات کو زیر بحث لایا گیا۔

انٹربینک میں ڈالر85 پیسےمہنگاہوگیا

ای سی سی نے پاور ڈویژن کی طرف سے 20 ارب روپے کے خصوصی ریلیف پیکیج کی تجویز کی بھی منظوری دے دی جس کے تحت جون 2020ءتک 5 برآمدی شعبوں کو سبسڈی بجلی کی فراہمی جاری رہے۔

ای سی سی نے وزارت توانائی کی طرف سے دو مزید ترمیموں کی تجویز کو بھی منظوری دی ہے جس کا مقصد پٹرولیم سیکٹرمیں کاروبار کرنے میں آسانی فراہم کرنا ہے، ان ترامیم کا تعلق ای سی سی کے ذریعہ پٹرولیم ڈویژن کے وزیر کی بجائے گیس تلاش کرنے کی لائسنسوں میں توسیع اور ساحل پر لائسنسنگ نظام کے لئے ایک نیا زون 1 (ایف) بنانے اور زونل میپ میں اس کے نتیجے میں ترمیم سے متعلق ہے۔

ای سی سی نے نیشنل ٹیلی مواصلات کارپوریشن کے 2018-19ءاور 2019-20 کے نظرثانی شدہ بجٹ تخمینے کی بھی منظوری دی۔ ای سی سی نے ایسٹرن پروڈکٹ پرائیوٹ (لمیٹڈ) پاکستان کی جانب سے بیرون ملک 22.5 ملین ایکویٹی سرمایہ کاری کی تجویز کی بھی اصولی منظوری دے دی۔