رہنما پی ایس پی ارشد وہرا کا کہنا ہے کہ کراچی میں پانی، بجلی اور معاش کا مسئلہ ہے ہم ان زیادتیوں پر شہر کو اکیلا نہیں چھوڑیں گے۔

کراچی پریس کلب میں پریس کانفرنس کرتے ہوئے ڈاکٹر ارشد وہرا کا کہنا تھا کہ شہر کو اپنے حصے کا پانی نہیں مل رہا ہے جبکہ کے فور کے منصوبے کو دس سال ہو گئے، مگر تاحال مکمل نہیں ہوسکا ہے۔

ارشد وہرہ کا کہنا تھا کہ کورونا وائرس کا نقصان سب سے زیادہ کراچی شہر کو ہوا ہے کیونکہ لاک ڈاون کے باعث پانچ فیصد بھی کام نہیں ہوا عوام کے ساتھ کسی زیادتی کو برداشت نہیں کرینگے۔

ارشد وہرہ نے سوال کیا کے اسمبلیوں میں کسی منتخب رکن نے عوام کے مسائل پر اواز بلند کی ڈاکٹر ارشد وہرہ کا کہنا تھا کہ گرمی کا موسم ہے کراچی کی عوام پانی کی بوند بوند کو ترس رہے پانی کا حصہ ہے وہ دیا جائے کے فور منصوبے کو جلد مکمل کیا جائے۔

فضائی حادثے میں متاثرہ خاندانوں کو جلد معاوضہ فراہم کیا جائے، صدر مملکت کی ہدایت

انہوں نے کہا کہ کراچی کے تاجروں کو رمضان کے آخری دو روز بھی کاروبار کرنے نہیں دیا گیا اور اس سے متعلق کہا کہ دعوے سے کہتا ہوں کہ اس رمضان شہر میں پانچ فیصد بھی کاروبار نہیں ہوسکا ہے۔

انہوں نے مزید کہا کہ میں اپیل کرتا ہوں کہ مصطفیٰ کمال کے ہاتھ کو مضبوط کریں وہی ہیں جنہوں نے پہلے بھی ڈلیور کیا دوبارہ بھی کریں گے۔

اس موقع پر سابق رکن صوبائی اسمبلی رہنما پی ایس پی سید حفیظ الدین کا کہنا تھا کہ پی ٹی ائی بھی پی پی کی متعصب حکومت کے نقش قدم پر چل نکلی ہے کورونا وائرس کا نقصان صرف کراچی شہر کو ہوا کسی اور کو نہیں عید پر تاجروں کا کاروبار پانچ فیصد بھی نہیں ہواملک بھر میں کار وبار شروع ہے کراچی کے ساتھ زیادتی کیوں انڈسٹری سمیت دیگر ادروں کو کھولنے کی اجازت دی جائے ایم کیو ایم پی ٹی ائی اور پپلز پارٹی جعلی مینڈیٹ پر ہیں۔